तळोदा l प्रतिनिधी
अंकलेश्वर- बऱ्हाणपूरमार्गावर शिर्वे फाट्याजवळ भरधाव वेगातील आयशरने समोरून येणाऱ्या ट्रकला धडक दिल्याने ट्रक चालक ठार तर सहाय्यक चालक जखमी झाल्याची घटना दिं. 13 रोजी सकाळी पाच वाजेच्या सुमारास घडली आयशर चालक फरार झाला असून तळोदा पोलिसात अपघाताचा गुन्हा दाखल करण्यात आला आहे.
याबाबत पोलिस सूत्रांनी दिलेली माहिती अशी की, अंकलेश्वर-बऱ्हाणपूर मार्गावर दि. 13 रोजी सकाळी पाच ते साडेपाच वाजेच्या सुमारास आयशर ट्रक (क्र. एम. एच. 20, ई.एल. 3476)वरील चालकाने त्याच्या ताब्यातील वाहन भरधाव वेगाने चालवून समोरून येणाऱ्या ट्रक (क्रमांक एम. एच.२०,बी.एच. 0621 ) हिस ठोस मारली.या अपघातात ट्रक चालक श्रीराम प्रेमसिंग खोकड (वय 35) रा. इब्राहिमपूर ता. भोकरदन जि.जालना हा मरण पावला असून या ट्रक वरील सह चालक महेश शांतीलाल पगारे रा. इब्राहिमपूर ता. भोकरदन जि. जालना हा जखमी झाला आहे. याप्रकरणी महेश शांतीलाल पगारे फिर्यादीवरून तळोदा पोलीस ठाण्यात आयशर ट्रक चालक याच्याविरुद्ध गुन्हा दाखल करण्यात आला आहे.याप्रकरणी पुढील तपास पो.हे.कॉ. वनसिंग पाडवी हे करीत आहेत.
