नंदूरबार l प्रतिनिधी
धुळे तालुक्यातील कापडणे येथून गुजरात राज्यात स्वस्त धान्य दुकानाचा तांदुळ विक्री करण्याचा उद्देशाने घेवून जाणार्या ट्रकसह १४ लाख २५ हजार ७५० रूपये किंमतीचा मुद्देमाल नंदुरबार तालुक्यातील चौपाळे फाटयाजवळून पुरवठा निरीक्षक यांनी पकडला असून याप्रकरणी दोघांविरूध्द तालुका पोलीस ठाण्यात गुन्हा दाखल करण्यात आला आहे.
याबाबत पोलीस सुत्रांनी दिलेल्या माहितीनुसार, शिरपूर शहरातील मलिक अली मलक हा त्याच्या ताब्यातील मालट्रक (क्र.एम.एच.१८-ए.ए.६९२२) हिच्यात स्वस्त धान्य दुकानाचा ५ लाख २५ हजार रूपये किंमतीचा २५४ क्विंटल तांदुळ धुळे जिल्ह्यातील कापडणे येथून गुजरात राज्यातील गांधीधाम येथे काळया बाजारात विक्री करण्याचा उद्देशाने वाहतुक करकीत असतांना तहसिल कार्यालयातील पुरवठा निरीक्षक यांनी पोलीसांचा मदतीने नंदुरबार तालुक्यातील चौपाळे फाटयाजवळ सदर वाहन थांबवत तपासणी केली असता त्यात स्वस्त धान्य दुकानाचा तांदुळ आढळून आला. ५ लाख २५ हजार ७८० रूपये किंमतीचा २५४ क्विंटल तांदुळ ९ लाख रूपये किंमतीची मालट्रक असा एकूण १४ लाख २५ हजार ७८० रूपये किंमतीचा मुद्देमाल जप्त करण्यात आला असून पुरवठा निरीक्षक समराज गंभीर वाडेकर यांच्या फिर्यादीवरून नंदुरबार तालुका पोलीस ठाण्यात चालक मलिक अलीम मलक सलीम , मोबीन मलीक सलीम मलिक यांच्याविरूध्द दोन्ही रा.उमरफारूक मस्जिदजवळ ईदगानगर शिरपूर (जि.धुळे) यांच्या विरूध्द जिवनावश्यक वस्तु कायदा १९५५ चे क ३ व ७ प्रमाणे गुन्हा दाखल करण्यात आला आहे. याप्रकरणी पुढील तपास पोलीस निरीक्षक राहुलकुमार पवार करीत आहेत.
