नंदूरबार पोलिसांनी संवेदनशीलता दाखवत आदिवासी महिलेला सुखरूप नातेवाईकांच्या केले स्वाधीन

नंदुरबार l प्रतिनिधी
नंदूरबार शहरातील बस्थानकात एक महिला एक आदिवासी महिला सैरावैरा रडत फिरतांना मिळुन आली.शहर पोलिसांनी तिला दुभाषीकाच्या मदतीने
सुखरूप नातेवाईक यांच्या ताब्यात देत संवेदनशीलतेचा पुन्हा प्रत्यय दिला.
नंदुरबार शहर पोलीस ठाण्याच्या हद्दीत बसस्टॅन्ड परीसरात एक आदिवासी महिला सैरावैरा रडत फिरतांना मिळुन आली. सदर महीलेस फक्त आदिवासी भाषा समजत असल्याची माहीती नंदुरबार शहर पोलीस ठाण्यास मिळाली.सदरच्या माहीतीवरून नंदुरबार शहर पोलीस ठाण्याचे पोलीस निरीक्षक किरणकुमार खेडकर यांनी तात्काळ पोलीस ठाण्याचे महीला अधिकारी व अंमलदार यांना बसस्टॅन्ड येथे रवाना करून सदर महिलेला नंदुरबार शहर पोलीस ठाण्यास आणुन विचारपुस केली असता, तिला भाषेची अडचण येत होती.याकरीता दुभाषीक अंमलदार शोधुन त्यांच्यामार्फत तिचे नाव गाव पत्ता विचारले असता तिने तिचे नाव प्रमिला रामजी गावीत वय 55 रा. करंजली ता.नवापुर जिल्हा नंदुरबार असे सांगितले.त्यानंतर पोलीस अंमलदार पोना 65 अरविंद वळवी हे त्याच गावाचे राहीवासी असल्याने सदर महीलेस सुखरूप त्यांचे ताब्यात दिले. सदरची कामगिरी पोलीस निरीक्षक किरणकुमार खेडकर यांचे मार्गदर्शनाखाली सपोनी नंदा पाटील, पोसई माधुरी कंखरे,महीला पोलीस अंमलदार पोशि पुजा सांगळे,पोशि रोहीणी धनगर, पोशि किरण अहीरे यांनी केली आहे.सदर कारवाई बाबत पोलीस अधीक्षक पी.आर. पाटील यांनी नंदुरबार शहर पोलीस ठाण्याचे अधिकारी व पोलीस अंमलदार यांचे अभिनंदन केले आहे.