तळोदा l प्रतिनिधी
तळोदा येथील संजय गांधी निराधार योजना समितीची बैठक गुरुवारी घेण्यात आली.या बैठकीत लाभार्थ्यांच्या विविध योजनेची पावणे दोनशे प्रकरणे मंजूर करण्यात आली.
तळोदा तालुका स्तरीय संजय गांधी निराधार योजनेच्या समितीची बैठक गुरुवारी येथील प्रशासकीय इमारतीच्या सभागृहात घेण्यात आली.बैठकीचा अध्यक्षस्थानी समितीचे अध्यक्ष प्रवीण वळवी होते.यावेळी समितीचे सचिव तथा तहसीलदार गिरीश वाखारे,सदस्य प्रकाश कुलकर्णी,गोपाळ पाडवी,सचिन रहासे,जितेंद्र दुबे,धर्मेंद्र वळवी, सहायक गट विकास अधिकारी आर बी सोनवणे, नायब तहसीलदार शैलेश गवते,पालिकेचे प्रतिनिधी अश्विन परदेशी,अनिल गोजरे आदी उपस्थित होते.यावेळी तळोदा शहर व ग्रामीण भागातून आलेल्या संजय गांधी, राष्ट्रीय वृद्धापकाळ, श्रावण बाळ अशा वेगवेगळ्या योजनांची साधारण २६० प्रकरणे दाखल करण्यात आली होती.या प्रकरणांच्या कागद पत्रांची समितीच्या सदस्यांनी पडताळणी केल्या नंतर त्यातील पावणे दोनशे प्रकरणे मंजूर करण्यात आला आहे.उर्वरीत प्रस्तावांमध्ये लाभार्थ्यांनी पूर्तता केली नसल्याने ती नामंजूर करण्यात आली.तथापि सदर कागद पत्रांचा पुर्तता करून घेण्याची सूचना समितीचे अध्यक्ष प्रवीण वळवी यांनी सबंधित अधिकाऱ्यांना दिली.