अक्कलकुवा – मोलगी रस्त्यावर दुचाकींची समोरासमोर धडक; दोघे जखमी

नंदुरबार l प्रतिनिधी
अक्कलकुवा ते मोलगी रस्त्यावर दुचाकींच्या समोरासमोर धडक झाल्याने झालेल्या अपघातात दोघांना दुखापत झाली असून याप्रकरणी दुचाकी चालकाविरूद्ध गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, अक्कलकुवा तालुक्यातील वेहगी येथील निलेश रामसिंग तडवी हा त्याचा मित्र अमित वसावे रा.बर्डी ता.अक्कलकुवा यास दुचाकीवर (क्र.एम.एच.३९ एई ११९५) मागे बसवून अक्कलकुवा ते मोलगी रस्त्याने जात होते. यावेळी एका दुचाकी चालकाने त्याच्या ताब्यातील दुचाकी (क्र.जी.जे.२८ बी २१०५) रस्त्याच्या परिस्थितीकडे दुर्लक्ष करुन देवमोगरा पुनर्वसन गावाजवळ भरधाव वेगात दुचाकीला समोरुन धडक दिल्याने अपघात घडला. घडलेल्या अपघातात निलेश तडवी व अमित वसावे या दोघांना दुखापत झाली असून दुचाकीचेही नुकसान झाले आहे. याबाबत निलेश तडवी यांच्या फिर्यादीवरुन अक्कलकुवा पोलिस ठाण्यात दुचाकी चालकाविरोधात भादंवि कलम २७९, ३३७, ३३८, ४२७, मोटार वाहन कायदा कलम १८४, १८७ प्रमाणे गुन्हा दाखल करण्यात आला आहे. पुढील तपास पोना.गावित करीत आहेत.