नवापूर | श.प्र.
नवापूर तालुक्यातील निंबोणी गावालगत चारचाकी व दुचाकीचा अपघात झाला.यात युवक गंभीर जखमी झाला असुन त्याला नंदुरबार जिल्हा रुग्णालयात हलविण्यात आले आहे.
याबाबत अधिक माहिती अशी कि,नवापूर तालुक्यातील विसरवाडी खांडबारा रस्त्यावर निंबोणी गावालगत चारचाकी व दुचाकीचा अपघात झाल्याने सोमनाथ सुकलाल कोकणी वय २५ रा. मेहंदी पाडा या युवकाला डोक्यावर हाता पायाला गंभीर ईजा झाली असल्याने त्याला तात्काळ खांडबारा ग्रामीण रुग्णालयात दाखल करण्यात आले.प्राथमिक उपचार करुन इजा गंभीर असल्याने नंदुरबार जिल्हा रुग्णालयात हलविण्यात आल्याची माहिती मिळाली आहे.अपघाताची माहिती खांडबारा पोलीस प्रवीण अहिरे यांना मिळाली असता त्यांनी अगोदर १०८ ला पाचारण करून घटनाची ऍम्बुलन्सला माहिती दिली.त्यानंतर तात्काळ पोलीस प्रवीण अहिरे,प्रशांत पाटील घटनास्थळी दाखल झाले.याप्रकरणी पुढील तपास विसरवाडी पोलीस निरीक्षक नितीन पाटील यांच्या मार्गदर्शनाखाली खांडबारा पोलिस करीत आहेत.
