नंदुरबार l प्रतिनिधी
पंतप्रधान नरेंद्र मोदी यांच्या विषयी आक्षेपार्ह वक्तव्य करणाऱ्या काँगेस प्रदेशाध्यक्ष नाना पटोले यांच्या विरोधात नंदुरबार जिल्हा भाजपतर्फे तीव्र आंदोलन करण्यात आले. नंदुरबार शहरात नाना पटोले यांच्या पुतळयाचे दहन करण्यापूर्वीच त्यांचा पुतळा पोलीसांनी ताब्यात घेतला आज सकाळपासूनच विजय चौधरी यांच्या विजयपर्व निवासस्थानी पोलीसांनी गराडा घातला होता.याप्रसंगी भाजपा कार्यकर्ते व पदाधिकारी मोठया संख्येने उपस्थित होते. पोलीसांनी नाना पाटोलेचा पुतळा ताब्यात घेतल्यानंतर पोलीस उपविभागीय अधिकारी सचिन हिरे, उपनगर पोलीस निरीक्षक नरेन्द्र भदाणे व शहर पोलीस निरीक्षक किरणकुमार खेडकर यांना यावेळी भाजपाच्या वतीने निवेदन देण्यात आले. निवेदनात म्हटले आहे की, काँग्रेसचे प्रदेशाध्यक्ष नाना पटोले यांनी भंडारा जिल्ह्यात एका निवडणुकीच्या दरम्यान ‘मी मोदींना मारू शकतो व शिव्याही देऊ शकतो’ असे बेताल वक्तव्य करत आपल्या देशाचे यशस्वी पंतप्रधान नरेंद्र मोदी यांचा अपमानच केला नाही तर एका प्रकारे पंतप्रधानांना मारण्याची धमकी देणारे वक्तव्य केले. यावरून काँग्रेसची मोदीबद्दल शत्रुत्वाची भावणा स्पस्ट होते.
या वक्तव्याचा भारतीय जनता पक्षाने निषेध व्यक्त करून नाना पटोले यांच्या विरोधात गुन्हा दाखल करून त्यांना अटक करण्याची मागणी निवेदनात केलीं आहे. निवेदनावर भाजपा जिल्हाध्यक्ष विजयभाऊ चौधरी, संघटन सरचिटणीस निलेश माळी, जिल्हा उपाध्यक्ष सदानंद रघुवंशी, जिल्हा उपाध्यक्ष डॉ.सपना अग्रवाल, शहराध्यक्ष नरेंद्र माळी, युवा मोर्चा जिल्हाध्यक्ष हर्षल चौधरी, अल्पसंख्याक मोर्चा जिल्हाध्यक्ष लियाकत बागवान, नगरसेवक निलेश पाडवी, युवामोर्चा शहराध्यक्ष जयेश चौधरी, भटके विमुक्त जाती जिल्हाध्यक्ष संजय साठे, आदिवासी मोर्चा शहराध्यक्ष विजय नाईक, युवा मोर्चा सदस्य किरण वाडीले यांच्या स्वाक्षऱ्या होत्या.
