नंदुरबार| प्रतिनिधी
धडगांव तालुक्यातील खरवड गावाजवळ पिकअप वाहन उलटल्याने एकजण ठार तर ५ जण जखमी झाल्याची घटना घडली आहे. याप्रकरणी अज्ञात चालकाविरूध्द धडगाव पोलीस ठाण्यात गुन्हा दाखल करण्यात आला आहे.
याबाबत पोलीस सुत्रांनी दिलेल्या माहितीनुसार, धडगांव तालुक्यातील खरवड गावाच्या फाटयाजवळील वळणावर पिकअप गाडी (क्र.एम.एच.०४-डी.के.९४१६) यावरील अज्ञात चालकाने रस्त्याच्या परिस्थितीकडे दुर्लक्ष करत निष्काळजीपणे गाडी चालविली. ही पिकअप उलटल्याने झालेल्या अपघातात खेमजी वेस्ता पाडवी (४५) रा.कुंडल (ता.धडगांव) यांच्या मृत्यू झाला. तर पाच प्रवाशी यांना दुखापत झाली. याप्रकरणी अजय गोविंद पाडवी रा.कुंडल (ता.धडगांव) यांच्या फिर्यादीवरून अज्ञात पिकअप वाहन चालकाविरूध्द भादंवि कलम ३०४ (अ) २७९, ३३७, ३३८, ४२७, मोटरवाहन कायदा कलम १३४/ १८७ प्रमाणे गुन्हा दाखल करण्यात आला आहे. याप्रकरणी पुढील तपास पोना पाडवी करीत आहेत.
