नंदूरबार l प्रतिनिधी
नंदूरबार शहरात विना परवाना जनावरांची
वाहतूक करणाऱ्या ट्रकसह १४ जनावरे असा १२ लाख २० हजाराचा मुद्देमाल जप्त करण्यात आला आहे.याप्रकरणी एकाविरोधात गुन्हा दाखल करण्यात आला आहे.
याबाबत पोलीस सूत्रांनी दिलेल्या माहितीनुसार, नंदुरबार शहरातील नवापूर चौफुली येथे अहमद हुसैन मुराद महमद मक्राणी हा त्याच्या ताब्यातील वाहनात (क्र.जी.जे.२७ एक्स ७५६६) पुरेशी जागा नसतांना जनावरांना दाटीवाटीने दोरीने बांधून विना परवाना वाहतूक करतांना आढळून आला. त्याच्याकडून ४ लाख २० हजाराची १४ जनावरे व ८ लाख रुपये किंमतीचा ट्रक असा १२ लाख २० हजाराचा मुद्देमाल जप्त करण्यात आला आहे. याबाबत उपप्रादेशिक परिवहन कार्यालयाचे सचिन रमेश जाधव यांच्या फिर्यादीवरुन नंदुरबार शहर पोलिस ठाण्यात प्राण्यांना क्रूरतेने वागण्यास प्रतिबंध १९६० चे कलम ११ सह महाराष्ट्र पोलिस अधिनियम कलम ११९ केंद्रीय मोटार वाहन अधिनियम कलम १९८९ कलम १२५ ई प्रमाणे गुन्हा दाखल करण्यात आला आहे पुढील तपास पोहेकॉ. गवळी करीत आहेत.
