नवापूर l प्रतिनिधी
नवापूर नगरपालिकेच्या सभागृहात स्थायी समिती व विषय समिती सभापतीची बिनविरोध निवड करण्यात आली.
नवापूर नगरपालिकेच्या सभागृहात स्थायी समिती व विषय समिती सभापतीची निवडणुक पिठासिन अधिकारी तहसिलदार मंदार कुलकर्णी यांचा अध्यधतेखाली पार पडली सकाळी १०:४५ वाजता मुख्यधिकारी विनायक कोते यांच्या दालनात सभापती पदासाठी उमेदवाराचे नामंकन दाखल करण्यात आले. त्यानंतर विर एकलव्य सभागृहात सभापती पदाची निवडणुक पार पडण्यात आली. त्यात बांधकाम समिती सभापतीसाठी सौ. मंगला विजयकुमार सैन यांच्या एकच अर्ज दाखल असल्याने ते बिनविरोध निवडुन आल्याचे जाहीर करण्यात आले. तर आरोग्य सभापती पदासाठी सविता मनोहर नगराळे यांचा एकच अर्ज असल्याने ते बिनविरोध निवडुण आल्याचे घोषीत करण्यात आले.नियोजन व विकास समितीच्या सभापती हा उपाध्यक्ष म्हणुन मान्यता देण्यात आले.पाणीपुरवठा समिती सभापतीसाठी हारुण शब्बीर खाटीक यांच्या एकच अर्ज असल्याने ते बिनविरोध निवडुन आल्याचे जाहीर करण्यात आले.महिला व बालकल्याण समिती सभापती पदासाठी महिमा नितेश गावीत यांचा एकच अर्ज असल्याने त्यांचीही बिनविरोध निवड करण्यात आली.सदरची सभा खेळीमेळीचा वातावरणात पार पडल्याने प्रशासनाच्या वतीने आभार मानण्यात आले.सदर प्रक्रिया पार पाडण्यासाठी मुख्यधिकारी विनायक कोते,प्रशासकीय अधिकारी अनिल सोनार ,वरिष्ठ लिपिक अशोक साबळे उपस्थित होते.
सदर नवनियुक्त विषय समितीच्या सभापतींचे बिनविरोध निवडून आल्यानंतर पीठासन अधिकारी तहसीलदार मंदार कुलकर्णी, नगराध्यक्ष हेमलता पाटील, मुख्याधिकारी विनायक कोते यांनी प्रसंगी सत्कार केला. पंचवार्षिक निवडणुकीनंतरची ही शेवटची सभा आहे.
