नंदूरबार l प्रतिनिधी
“जिजाऊ ते सावित्री-सन्मान महाराष्ट्राच्या लेकींचा” या अभियानातंर्गत “सावित्रीबाई फुले व महिला सशक्तीकरण ” या विषयावर अकोला येथील प्रा. डॉ.स्वप्ना लांडे, साहित्यिक तथा अखिल भारतीय अंधश्रद्धा निर्मूलन समितीच्या विभागीय संपर्क प्रमुख शिवदर्शन विद्यालय व कनिष्ठ महाविद्यालय,भालेर येथे ऑनलाईन व्याख्यानाचे आयोजन करण्यात आले होते.
सदर व्याख्यानाचे उद्दघाटन मुख्याध्यापक संघाचे सचिव तथा नवजीवन विद्यालय व कनिष्ठ महविद्यालय येथील प्राचार्य पुष्पेंद्र रघुवंशी यांनी केले. यांनी आपल्या मनोगतात संस्थेच्या सामाजिक कार्याविषयी व शैक्षणिक वाटचाली संदर्भात मार्गदर्शन केले.
प्रा. डॉ. स्वप्ना लांडे यांनी सांगितले की, सावित्रीबाई फुले यांच्या विचारांमुळे आणि त्यांच्या कर्तृत्वामुळे महिला शिकायला लागल्यात तरीही आज काही शिक्षित व उच्च शिक्षित महिला परंपरागत असणाऱ्या विचारांमध्ये आणि अंधश्रद्धांमध्ये मोठ्या प्रमाणात गुरफटलेल्या दिसतात त्यामुळे त्यांनी यातून बाहेर यावे व स्वतः सशक्त व्हावे अशी विनवणी व्याख्यानातून केली. सदर व्याख्यानाला नंदुरबार तालुका विधायक समितीच्या विविध शाख्यांमधील प्राचार्य, मुख्याध्यापक, शिक्षक, शिक्षकेत्तर बंधू- भगिनी व विद्यार्थी उपस्थित होते. या कार्यक्रमाचे प्रास्ताविक वैभव विद्यालय, वैजाली येथील मुख्याध्यापक चंद्रशेखर लोखंडे यांनी तर आभार प्रदर्शन एस.आर.सी इंदाणी विद्यालय, कोपर्ली येथील प्रयोगशाळा सहाय्यक गणपत पाटील यांनी केले. सूत्र संचालन एन.जी. पाटील यांनी केले. कार्यक्रमाच्या यशस्वितेसाठी शाळेतील मुख्याध्यापक एस.एम. मन्सुरी, पर्यवेक्षक व्ही.जे.पाटील, सर्व शिक्षक, शिक्षकेतर बंधू – भगिनी यांनी मोलाचे सहकार्य केले.
