नंदूरबार l प्रतिनिधी
नंदूरबार येथे अपंग जनता दल सामाजिक संघटनेतर्फे जिल्हा बैठकीचे आयोजन करण्यात आले होते.यावेळी मान्यवरांच्या उपस्थितीत विविध पदांच्या नियुक्ती करीत नियुक्ती पत्र देण्यात आले.
नंदूरबार येथे अपंग जनता दल सामाजिक संघटनेचे नेते पत्रकार अनिस शेख यांच्या अध्यक्षतेखाली व महाराष्ट्र राज्य प्रदेश उपाध्यक्ष आनंद पाटील यांच्या नेतृत्वाखाली नंदुरबार जिल्हा बैठक संपन्न झाली.यावेळी दीव्यांग बांधवांच्या विविध समस्यांबाबत बैठकीत चर्चा करण्यात आली. यावेळी नंदुरबार जिल्हाध्यक्ष मंगेश जयराम सोनवणे यांची निवड करण्यात आली. यावेळीअर्जुन कुसना पाडवी यांची जिल्हा संपर्क प्रमुखपदी निवड करण्यात आली. यावेळी कार्यक्रमाला शहादा तालुकाध्यक्ष मोतिलाल मोहन वळवी यांच्या सह सर्व अपंग जनता दलाचे सर्व पदाधिकारी, सदस्य, मान्यवर उपस्थित होते.
