नंदुरबार । प्रतिनिधी
सांगली येथे आयोजित राज्यस्तरीय क्रॉसकंट्री स्पर्धेत 6 किलोमीटर धावण्याच्या 20 वर्षाआतील मुलींच्या स्पर्धेत नंदुरबारची सुकन्या रिंकू पावरा हिने प्रथम क्रमांक पटकाविला.
सदर स्पर्धेत पुरूष खुल्या गटातून आंतरराष्ट्रीय खेळाडू किसन तडवी याने तिसरा क्रमांक मिळवला. त्यांचे व सहभागी खेळाडू या सर्वांचे सांगली जिल्हा आदिवासी कर्मचारी असोसिएशन सांगली शाखा जततर्फे योथोचित सत्कार संघटनेचे जिल्हाध्यक्ष व केंद्रप्रमुख रतन जगताप, संचालक व केंद्रप्रमुख जयवंत वळवी, तालुका सल्लागार गुलाबसिंग पावरा आदींच्या हस्ते स्पर्धेच्या ठिकाणी करण्यात आला. गृप ग्रामपंचायत राजबडीॅकडुन अभिनंदन करण्यात आले. धडगाव तालुक्यातील गृप ग्रामपंचायत राजबडीॅ अंतर्गत असलेल्या खर्डी बुः येथील रिंकू पावरा रहिवासी असुन गरीब कुटुंबातील मुलगी आहे.
