नंदूरबार l
नंदुरबार येथील डॉ.अर्जुन लालचंदाणी परिवारातर्फे आज दि.२६ डिसेंबर रविवार रोजी मोफत थैलेसिमिया व सिकलसेल तपासणी शिबिराचे आयोजन करण्यात आले आहे. पंधरा वर्षावरील मुल-मुली व नवदाम्पत्य ज्यांना मुल होणे बाकी अशांनी ही तपासणी अवश्य करुन घ्यावी, असे आवाहन डॉ.अर्जुन लालचंदाणी यांनी केले आहे.
इंडीयन कॉन्सिल ऑफ मेडीकल रिसर्च हिमोग्लोबीनोपॅथी डिपार्टमेंट मुंबईचे नंदुरबार युनिट व जनकल्याण रक्त केंद्र नंदुरबार यांच्या सहकार्याने व डॉ.अर्जुन लालचंदाणी परिवारातर्फे आज सकाळी १० ते दुपारी वाजेपर्यंत येथील गुरु जो दर, नवी सिंधी कॉलनी येथे हे राबविण्यात येणार आहे. थैलेसिमिया व सिकलसेल हे आजार अनुवांशिक असून ते शंभर टक्के टाळता येतात. त्यासाठी मुलगा व मुलीचे विवाहपूर्वक रक्त तपासणी करुन ते थैलेसिमिया मायनर किंवा सिकलसेल कॅरिअर आहेत किंवा कसे? ते ठरविता येते. दोन थैलेसिमिया मायनर मुलगा व मुलगी किंवा सिकलसेल कॅरिअर मुलगा किंवा मुलगीचे विवाह टाळणे हा यावर सर्वोत्तम उपाय आहे. लग्नानंतर पती व पत्नी दोन्ही थैलेसिमिया मायनर किंवा सिकलसेल कॅरिअरची माहिती झाल्यास गर्भधारणेच्या बारा ते चौदा आठवड्यात गर्भाशय तपासणी करुन होणारे बाळ थैलेसिमिया किंवा सिकलसेलग्रस्त आढळल्यास त्याप्रमाणे उपाय करतात येतात, अशी माहिती डॉ.अर्जुन लालचंदाणी यांनी दिली. विशेषतः सिंधी समाजात थैलेसिमिया व आदिवासी समाजात सिकलसेलचे प्रमाण जास्त आहे. जिल्ह्यातील पहाडी भागातील आदिवासींमध्ये हे विशेष करुन आढळते. सबब शासनाने नंदुरबार जिल्ह्यासाठी विशेष सिकलसेल युनिट दिले आहे. तरी जास्तीत जास्त नागरीकांना याचा लाभ घ्यावा, असे आवाहन डॉ.अर्जुन लालचंदाणी यांनी केले आहे.
