रस्त्याच्या वादावरून पती-पत्नी घरात असताना घराला लावली आग, दोघे जखमी, सहाजणांविरुद्ध गुन्हा दाखल

नंदूरबार l प्रतिनिधी
रस्त्याच्या वादावरून पती पत्नी घरात झोपले असताना जिवे ठार मारण्याचा उद्देशाने घराला आग लावून पेटवून दिल्याची घटना पिंमटीचा ( माथेपाडा ) ता .अ.कुवा येथे घडली. या घटनेत दोन जण जखमी झाले असून मोटार सायकल , धान्य , कोंबडया , व मोबाईल यांचे जळून खाक झाल्या याप्रकरणी मोलगी पोलीस ठाण्यात सहा जणांविरुद्ध गुन्हा दाखल करण्यात आला आहे.
याप्रकरणी पोलिस सूत्रांनी दिलेल्या माहितीनुसार, अक्कलकुवा तालुक्यातील पिंमटीचा ( माथेपाडा ) येथे रस्त्याचे वादावरून जिवे ठार मारण्याचा उद्देशाने आर्शी खाल्या वसावे ने संगनमत करून गैरकायदयाची मंडळी जमवून फिर्यादी व फिर्यादीची पत्नी असे घरात झोपलेले आहेत हे माहित असतांना जिवेठार मारण्याच्या उद्देशाने घराला आग लावून पळून गेले त्यात फिर्यादी बाजीराव बोला वसावे व त्यांचे वडील बोला मोवाश्या वसावे यांना आग विझवितांना किरकोळ दुखापत झाली असून फिर्यादीचे मालकीची मोटार सायकल , धान्य , कोंबडया , व मोबाईल यांचे जळून नुकसान केल्या प्रकरणी बाजीराव बोला वसावे रा . पिंमटीचा ( माथेपाडा ) ता . अ.कुवा यांच्या फिर्यादीवरून आर्शी खाल्या वसावे, खेमजी खाल्या वसावे, संदिप आर्शी वसावे, संजय आर्शी वसावे, कांज्या गुला वसावे, निमजी टेटया वसावे सर्व रा . पिंमटीचा पाटीलपाडा ता . अ.कुवा यांच्या विरुद्ध मोलगी पोलीस ठाण्यात भादवी कलम भादंवि कलम ३०७ , ४३६,१४३,१४७ , ४२ ९ , ४२७ प्रमाणे गुन्हा दाखल करण्यात आला आहे.याप्रकरणी पुढील तपास सपोनि निलेश वाघ करीत आहेत.