वैयक्तिक व सामुहिक योजनेसाठी अर्ज सादर करण्याचे आवाहन

नदुरबार l प्रतिनिधी
एकात्मिक आदिवासी विकास विभागातर्गत सन 2021-2022 या वर्षांत न्यूक्लिअस बजेट योजनातर्गत वैयक्तिक व सामुहिक योजनेचा लाभ देण्यासाठी नंदुरबार, नवापूर व शहादा तालुक्यातील अनुसूचित जमातीच्या लाभार्थ्यांकडून 5 जानेवारी 2022 पर्यत अर्ज मागविण्यात येत आहे.

वैयक्तिक व सामुहिक योजनेखाली अनुसूचित जमातीच्या लाभार्थ्यांना मका सोलणी यंत्र पुरवठा करणे, भातमळणी यंत्र पुरवठा करणे, आदिवासी महिला बचत गटांना पिठाची गिरणी संच देणे या तीनही योजनेसाठी 85 टक्के अर्थसहाय्य तर भजनी मंडळास 100 टक्के अर्थसहाय्य देण्यात येईल.

योजनेचा लाभ घेण्यासाठी अर्जासोबत जातीचा दाखला, आधार कार्ड, पॅनकार्ड, सातबारा उतारा, घराचा उतारा नमुना क्रमांक 8, रहिवास दाखला, बॅक पासबूक, विद्युत देयक, अर्जदाराचे नजीकच्या काळातील दोन पासपोर्ट साईज फोटो, ग्रामसभेचा ठराव, तसेच यापुर्वी इतर शासकीय योजनामधुन लाभ न घेतल्याचा दाखला (स्वयंघोषणापत्र) इत्यादी कागदपत्रे अर्जासोबत जोडणे आवश्यक राहील.

अधिक माहिती व अर्जासाठी (सुटीचे दिवस वगळून ) एकात्मिक आदिवासी विकास प्रकल्प कार्यालय, नवापूर रोड,नंदुरबार येथे संपर्क साधावा, असे आवाहन प्रकल्प अधिकारी तथा सहाय्यक जिल्हाधिकारी मीनल करनवाल यांनी प्रसिध्दीस दिलेल्या शासकीय पत्रकान्वये केले आहे.