धडगांव नगरपंचायत निवडणूकीच्या प्रचारासाठी एक दिवस अधिक वेळ, आज सायंकाळी होईल प्रचाराची सांगता

धडगाव l प्रतिनिधी
धडगांव-वळफळ्या-रोषमाळ बू नगरपंचायत सार्वत्रिक निवडणूकीच्या प्रचारासाठी एक दिवस अधिक मिळाल्याने सर्वच पक्षांनी प्रचारासाठी सज्ज झाले आहे.
धडगांव-वळफळ्या-रोषमाळ बू नगरपंचायत सार्वत्रिक निवडणूकीचा कार्यक्रम घोषित झाला आहे.उद्या दि.२१ डिसेंबर रोजी १७ जागांसाठी शिवसेना १७, काँग्रेस १७, भाजपा ११, राष्ट्रवादी १ तर अपक्ष दोन असे एकूण ४८ उमेदवार निवडणूक रिंगणात उतरले आहे. या नगर पंचायतीच्या निवडणूकीसाठी तिरंगी लढत होत आहे
धडगांव नगरपंचायत निवडणूकीत अनेक पक्षाच्या वतीने स्टार प्रचारक यांनी प्रचार रॅली, जाहीर सभा घेऊन आपल्या पक्षाचे उमेदवारांना मतदान करण्याचे आवाहन करण्यात येत आहे.दरम्यान धडगांव-वळफळ्या-रोषमाळ बू नगरपंचायत सार्वत्रिक निवडणूकीच्या प्रचारासाठी आज दि.२० रोजी सायंकाळ पर्यंत प्रचाराची वेळ वाढवण्यात आली असल्याने त्याचा फायदा घेण्यासाठी सर्वच पक्षांनी कंबर कसली आहे.आज सायंकाळी ५ वाजेपर्यंत प्रचारासाठी वेळ देण्यात आला आहे.उद्या सकाळी ७.३० पासून मतदानास सुरुवात होणार आहे.या साठी प्रशासन सज्ज आहे.