म्हसावद l प्रतिनिधी
धुळे व नंदुरबार जिल्हा प्राथमिक शिक्षक पतसंस्था शाखा शहादा येथील मयत सभासद कै.संजीव अशोक कुवर सर जि.प. शाळा नवे टेंभे ता. शहादा यांच्या वारसास कै. नानासाहेब मुरलीधर शिंदे मयत कर्जमृत्यूफंड योजनेमार्फत कर्ज रु.5 लाख 38 हजार 368 रुपये माफी देवुन वारसास 1 लाख 50 हजाराची मदतनिधिचा धनादेश संस्थेमार्फत देण्यात आला.
या प्रसंगी संस्थेचे गटनेत.न्हानभाऊ रविंद्र खैरनार, पँनल प्रमुख तथा संचालक ग.स.बँक धुळे गमन पाटील, संस्थेचे व्हा. चेअरमन अनिल सोनवणे, प्रविण भदाणे, राजेंद्र भदाणे , सुनिल चव्हाण, किरण मोहिते, संतोष कुवर, रघुनाथ बळसाणे, दिलीप पाटील, शिवाजी पावरा, बाजीराव पाडवी यांच्या हस्ते धनादेश देण्यात आला.
या प्रसंगी संस्थेच्या योजनेमार्फत कर्ज माफी योजना तसेच वारसास मदत निधी मिळाल्याबद्दल वारसांनी तथा तालुक्यातील शिक्षक बंधू-भगिनींनी समाधान व्यक्त केले.
सभासद मरणोत्तर 8 लाख 50 हजार पर्यंत कर्जमाफी देऊन 1 लाख 50 हजाराचा मदतनिधी देणारी नाशिक विभागात एकमेव प्राथमिक शिक्षक पतसंस्था असल्याबाबत प्रतिक्रिया व्यक्त केल्यात.
