सारंगखेडा येथील एकमुखी दत्त प्रभुची जन्मोत्सव निमित्त यात्रोत्सवाची तयारी पूर्ण, आज पालखी मिरवणूक सोहळा

सारंगखेडा l प्रतिनिधी
सारंगखेडा येथील महानुभाव संप्रदायाचे एकमुखी दत्त प्रभुची जन्मोत्सव निमित्त ( ता. १८ ) शनिवारी रात्री पालखी सोहळा मिरवणूकीचा कार्यक्रम होणार आहे . भाविकांना दर्शनासाठी जय्यत तयारी सुरू असून . मंदिरात रोषणाई करण्यात येत आहे .
सारंगखेडा येथील एकमुखी दत्त मंदिरात श्री . दत्त जयंती सोहळ्यानिमित्त पारायणासोबत विविध धार्मिक आणि सांस्कृतिक कार्यक्रम होणार आहेत . शनिवारी दत्त जयंती सोहळ्याची तयारी पूर्ण झाली असून , मंदिराच्या आवारात आकर्षक विद्यूत रोषणाई करण्यात येत आहे .पहाटे ४ वाजता विधीवत श्रीमृर्ती मंगळस्थान पूजाविधी ,अवसर होईल त्यानंतर मंदिर भाविकांना दर्शना साठी खुले करण्यात येईल . सायंकाळी ७ वाजता पंचावतार उपहार विधी करण्यात येईल , दिवे प्रज्वलीत करुन आरती सोहळाचा कार्यक्रम होईल . दत्त प्रभुचा मुर्ती ची पूजन पातुरकर बाबा महानुभाव , दिवाकरमुनी बाबा महानुभाव ,चेतक फेस्टीव्हलचे अध्यक्ष जयपालसिंह रावल ,. जिल्हा परिषद सदस्या ऐश्वर्या रावल , उपविभागीय अधिकारी डॉ . चेतन गिरासे , तहसीलदार डॉ . मिलिंद कुळकर्णी , सरपंच पृथ्वीराजसिंह रावल , दत्त मंदिर संस्थानचे अध्यक्ष अंबालाल पाटील यांचा हस्ते करण्यात येईल . रात्री ८ वाजता पालखी मिरवणूकीत मंदिर ग्राम प्रदक्षिणा करण्यात येईल
कोरोनाच्या पार्श्वभूमीवर खबरदारी म्हणून कोरोना लसीचे दोन्ही डोस घेतलेल्या भाविकांनाच दत्त दर्शन घेता येईल . सॅनिटायझर तसेच धर्मल स्क्रिनिंग करूनच दर्शन रांगेत सोडण्यात येणार आहे . त्यासाठी तात्पूरत्या स्वरूपातील मंडप उभारण्यात येणार आहे . मास्क , फिजिकल डिस्टन्सिंग राखण्याचे भाविकांना वेळोवेळी आवाहन करण्यात येणार आहे . या काळात पोलीस बंदोबस्तासाठी तैनात करण्यात येणार आहे . अशी माहीती दत्त मंदिर संस्थान सचिव भिक्कन पाटील यांनी दिली .