टपाल कार्यालयात गॅस नोंदणीसह मिळतील नागरिकांना विविध सेवा

नंदुरबार l प्रतिनिधी
भारतीय डाक विभागांतर्गत धुळे व नंदुरबार जिल्ह्यातील डाक घर आणि शाखा डाक घर येथे सेवा सीएससी (आपले सरकार सेवा केंद्र) अंतर्गत उपलब्ध करून दिल्या आहेत. त्यात मोबाईल बिल भरणे, वीज बिल भरणे, सर्व प्रकारचा विमा हप्ता भरणे, गॅस नोंदणी करणे, नवीन पॅन कार्ड नोंदणी, बस, विमानसेवा, रेल्वे तिकिट बुकिंग, प्रधानमंत्री फसल बिमा योजना, फास्ट टॅग आदींचा समावेश आहे. या सेवांचा सर्व नागरिकांनी लाभ घ्यावा, असे आवाहन पी. आर. सोनवणे, प्रवर अधीक्षक, डाकघर, धुळे विभाग, धुळे यांनी प्रसिध्दीस दिलेल्या पत्रकान्वये केले आहे.