तळोदा | प्रतिनिधी
आपण ज्यावेळेस आपल्या घरात असतो त्यावेळेस आपल्याला पाऊस-थंडी याचे अनुभूती येत नाही. परंतु सध्या चालू असलेली ऊसतोड यात असलेले कामगार गेल्या दोन-तीन दिवसापासून अवकाळी पाऊस व कडक थंडी यांचे अनुभूती ऊसतोड कामगार घेत आहेत. या कामगारांचे जेवण बनवण्याचे सरपन (लाकूड) पावसाने ओले झाले. त्यामुळे त्यांना जेवण बनवता येणार नव्हते. यावेळेस सेवाभावे प्रतिष्ठाने जेवण तयार करून ऊसतोड कामगारांचे जेवणाची व्यवस्था करून दिले.
तळोदा तालुक्यात सलसाडी, मोरवड, तळोदा हातोडा रोड या परिसरात ६०० ऊसतोड कामगारांना भोजन खाऊ घालण्यात आले. याप्रसंगी सेवाभावे प्रतिष्ठानचे अध्यक्ष उमेश सोनवणे, संचालक अतुल भिमसिंग पाटील, मोरवडचे उपसरपंच रणजीत चौधरी, कार्याध्यक्ष संतोष चौधरी, सलसाडी स्कूल कमिटी अध्यक्ष संजय बहादूरसिंग मोरे, उपाध्यक्ष सागर पाटील, दिलवरसिंग भील, मोग्या ठाकरे, दिलीप पाडवी, उमेश चुनीलाल ठाकरे, सुनील पाडवी, महेश ठाकरे, चिन ठाकरे, मोग्या पाटील, दर्शन चौधरी यांनी भोजन तयार करून ऊस तोड कामगारांना वाटप केले.
यावेळी सेवाभावे प्रतिष्ठानचे अध्यक्ष उमेश सोनवणे सांगितले की, गोरगरीब ऊसतोड कामगार हे आमचे बंधू आहेत. त्यांच्या दुःखात सामील होणे हेच आमचे सेवाभावे याचे कर्तव्य आहे असे त्यांनी यावेळी सांगितले.
