नंदूरबार l प्रतिनिधी
नंदुरबार जिल्ह्यात आज पासून पहिली ते चौथी शाळा अखेर पावणे दोन वर्षानंतर आज सुरू झाली.
नंदुरबार जिल्ह्यात शहरी व ग्रामीण भागात एकूण १ हजार ७३६ पहिली ते चौथीच्या शाळा आजपासून सुरू झाल्या असून तब्बल पावणे दोन वर्षांनी १ लाख २९ हजार ६३५ चिमुकल्यांची शाळेची घंटा वाजली असून विद्यार्थी शाळेकडे मार्गक्रमण करताना दिसून आले. शाळा प्रशासनाने कोरोना नियमांचे पालन करूनच विद्यार्थ्यांना शाळेत प्रवेश दिले जात आहेत शहरी भागात सकाळच्या सत्रात शाळा सुरू झाल्या असून ग्रामीण भागातील प्राथमिक शाळा अकरा वाजता सुरू होणार आहे. शाळेत येणाऱ्या विद्यार्थ्यांसाठी शाळा प्रशासनाच्या वतीने थर्मल गनणे तपासणी करून हात सॅनिटायझर करून वर्गात सोशल डिस्टन्स पाळून विद्यार्थ्यांना अध्यापनाला सुरुवात केली आहे. आज पहिल्या दिवशी विद्यार्थ्यांच्या उपस्थितीती कमी असली तरी गेल्या पावणे दोन वर्षानंतर प्राथमिक शाळा सुरू झाल्याने विद्यार्थ्यांमध्ये शाळेत येण्यासाठी मोठा उत्साह दिसून आला. गेल्या पावणे दोन वर्षापासून घरात ऑनलाईन शिक्षण घेणाऱ्या विद्यार्थ्यांना आज प्रत्यक्ष शाळेत येऊन शिक्षक व वर्ग मित्रांना भेटण्याची संधी मिळाल्याने विद्यार्थ्यांसह पालकांमध्ये ही मोठा उत्साह दिसून आला आहे.
