नवापूर l प्रतिनिधी
विसरवाडी पोलीस ठाण्यात २६/११ मुंबईवरील दहशतवादी हल्ल्यात शहीद पोलीस व नागरिकांना आदरांजली अर्पण करण्यात आली या अनुषंगाने विसरवाडी पोलीस ठाण्यात शहीदांना अभिवादन म्हणून २६/११ शहीद स्मृती दिनानिमित्त रक्तदान शिबिराचे आयोजन करण्यात आले.
विसरवाडी पोलीस ठाण्याचे सहाय्यक पोलीस निरीक्षक नितीन पाटील व पोलीस उपनिरीक्षक भूषण बैसाणे यांच्या मार्गदर्शनाखाली रक्तदान शिबिराचे आयोजन करण्यात आले. यात पोलीस अधिकारी, पोलीस अंमलदार, गावातील सर्व समाजातील १८ वर्षावरील नागरिकांनी सहभाग नोंदविला.
यावेळी ३५ रक्तदात्यांनी रक्तदान करुन या शिबिराची शोभा वाढवली. इतर आजार, अपघातग्रस्त रुग्ण व कोरोनाच्या पार्श्वभूमीवर रुग्णांना जिल्हा रक्तपेढीस रक्ताचा तुटवडा जाणवत आहे. त्यासाठी जास्तीत-जास्त रक्तदात्यांनी रक्तदान करावे यासाठी शिबिराचे आयोजक सहाय्यक पोलीस निरीक्षक नितीन पाटील यांनी आवाहन केले होते. तसेच या शिबिरात स्वयंस्फूर्तीने देखील काही रक्तदात्यांनी रक्तदान केल्याची माहिती आयोजकांनी दिली.
यावेळी शिबिरास जिल्हा शासकीय रुग्णालयातील रक्तपेढीच्या वैद्यकीय अधिकारी व कर्मचाऱ्यांनी सहकार्य केले. तर शिबिर यशस्वीतेसाठी विसरवाडी पोलीस ठाण्याचे अधिकारी व पोलीस अंमलदार यांनी परिश्रम घेतले.
