नंदुरबार l प्रतिनिधी
नंदुरबार शहरात आज दि.27 नोव्हेंबर रोजी तीन जणांचा कोरोना अहवाल पॉझिटीव्ह आला आहे.
याबाबत अधिक माहिती अशी की, नंदुरबार शहरातील माळीवाडा येथील 1 व्यक्तीचा कोरोना अहवाल दि.२४ नोव्हेंबर रोजी पॉझिटीव्ह आला होता.तब्बल 10 दिवसानंतर कोरोना रुग्ण आढळला होता.दरम्यान 25 नोव्हेंबर रोजी नवापूर तालुक्यातील बोरचक येथील एकाचा कोरोना अहवाल पॉझिटीव्ह आला होता.आज पुन्हा 3 कोरोना रुग्ण आढळले.आज 27 नोव्हेंबर रोजी प्रशासनातर्फे 376 जणांची आरटीपीसीआर चाचणी करण्यात आली होती.त्यात नंदूरबार शहरातील संजय नगर 1 ,सूर्यवंशी नगर 1 व कुंभारवाडा येथे 1 असे एकूण तीन जणांचा कोरोना अहवाल पॉझिटीव्ह आला आहे.सध्या नंदूरबार जिल्ह्यात कोरोनाचे ५ रुग्ण आहेत.दरम्यान सध्या लग्न सराईचे दिवस असल्याने कोरोनाचा धोका वाढू शकतो त्यामुळे नागरिकांनी प्रशासनाच्या सूचनांचे पालन करणे आवश्यक आहे.
