नंदुरबार | प्रतिनिधी
भारतीय संविधान दिवस माध्यमिक विद्यालय शेजवा पो. पिंपळोद ता.जि.नंदुरबार शाळेत मोठ्या उत्साहात संपन्न झाला.
नंदुरबार तालुक्यातील संविधान दिनानिमित्त शेजवा पो. पिंपळोद येथील माध्यमिक विद्यालयात विविध कार्यक्रम आयोजित करण्यात आले होते. यात चित्रकला व पोस्टर स्पर्धा रांगोळी स्पर्धा,निबंध स्पर्धा, घोषवाक्य स्पर्धा, व वकृत्व स्पर्धा घेण्यात आल्या. सदरील स्पर्धेत इयत्ता पाचवी ते दहावी विद्यार्थी-विद्यार्थिनींनी मोठ्या संख्येत सहभाग घेतला कार्यक्रमाचे अध्यक्ष शाळेचे मुख्याध्यापक दत्तू पाटील हे होते. कार्यक्रमाची सुरुवात भारतरत्न डॉ. बाबासाहेब आंबेडकर यांच्या प्रतिमेचे पूजन करून करण्यात आली.कार्यक्रमाचे प्रास्ताविक शाळेचे उपशिक्षक रामानंद बागले यांनी केले. तर सूत्रसंचालन शाळेचे कलाशिक्षक आनंदराव पवार यांनी केले.मुख्याध्यापक दत्तू पाटील यांनी अध्यक्षीय भाषणातून संविधानाचे महत्त्व विद्यार्थ्यांना पटवून दिले. त्यानंतर शाळेचे उपशिक्षक विजय पवार यांनी आपले मनोगत मांडले व कार्यक्रमाचे आभार शाळेचे उपशिक्षक हरूणखा शिकलीकर यांनी मानले. कार्यक्रम यशस्वीतेसाठी शाळेचे उपशिक्षक दीपक वळवी,संजय बोरसे, श्रीमती.अरुंधती शिंदे ,श्रीमती संगीता गोखले,श्रीमती नेहा शर्मा व शाळेचे शिपाई संजय वसावे दिनेश पवार आदींनी परिश्रम घेतले. कार्यक्रमाची सांगता “वंदे मातरम् “या गीताने करण्यात आली.
