नंदुरबार येथे अर्हत प्रतिष्ठानच्यावतीने आज संविधान गौरव दिनानिमित्ताने संविधान गौरव सोहळा

नंदुरबार l प्रतिनिधी
नंदुरबार येथील अर्हत प्रतिष्ठानच्यावतीने शुक्रवार दि . 26 नोव्हेंबर 2021 रोजी सायंकाळी 6 वाजता कोरीट नाका परिसर येथे संविधान गौरव दिन निमित्ताने संविधान सन्मान कार्यक्रम आयोजित करण्यात आला आहे .
नंदुरबार येथे होणाऱ्या या कार्यक्रमास भारतीय जनता पार्टीच्या प्रवक्त्या तथा खासदार डॉ . हिना गावित तसेच माजी मंत्री तथा नंदुरबार विधानसभा मतदारसंघाचे आमदार डॉ . विजयकुमार गावित उपस्थित राहणार आहेत . या कार्यक्रमात संविधान प्रास्ताविकेचे सामूहिकरीत्या वाचन करण्यात येईल . त्याच प्रमाणे विद्यार्थ्यांच्या माध्यमातून संविधानाचे महत्त्व विषद करण्यात येणार आहे . तरी उपस्थित रहावे , असे आवाहन अर्हत प्रतिष्ठानचे अध्यक्ष सुभाष पानपाटील यांनी केले आहे .