नंदुरबार | प्रतिनिधी-
सातपुडयातील दुर्गम भाग असलेल्या अक्कलकुवा तालुक्यातील बालाघाट येथील सचिन वसावे याची इरफान पठाण यांच्या ऍकेडमीतर्फे दुबई येथे होणार्या क्रीकेट स्पर्धेसाठी निवड झाली आहे.
सध्या तो मोलगी येथे प्रॅक्टिस करीत आहे.
सातपुडयातील दुर्गमभाग असलेल्या बालाघाट (ता.अक्कलकुवा) येथे राहणार्या सचिन मानसिंग वसावे याचे बीएससी कॉम्प्युटर डीएमलटीचे झाले आहे. त्याला लहानपणापासूनच क्रीकेटची आवड होती. त्यामुळे तो मिळल त्याठिकाणी क्रीकेटची सराव करीत होता. दरम्यान त्याचे कौशल्य व मेहनतीचा जोरावर कॅम्प लुधीयाना या इरफान पठाण ऍकेडमीमधून निवड झाली. तो दि.७ डिसेंबर रोजी दुबई येथे क्रीकेट खेळण्यासाठी रवाना होणार आहे. दुबई येथे त्या सामने पाकिस्तान, श्रीलंका, बांग्लादेश आणि आफ्रिका संघाविरूध्द खेळण्याची त्याला संधी मिळाली आहे. त्याचा सरावासाठी डॉ.मनोज पावरा हे मार्गदर्शन करीत आहेत. दरम्यान सातपुडयातील दुर्गम भागातील लहान खेडयात आंतरराष्ट्रीय गिर्यारोहक अनिल वसावे यांच्यानंतर आंतरराष्ट्रीय स्तरावर जाण्याचा मान सचिन वसावे यांनी पटकाविला आहे. त्याच्या यशाबद्दल गावकर्यांची त्याचे अभिनंद केले.
