नंदुरबार l प्रतिनिधी
येथील लायन्स क्लबला प्रांतपाल दिलीप मोदी यांनी भेट देऊन विविध उपक्रमाची पाहणी केली.यावर्षी लायन्स डिस्ट्रिक्ट ३२३४ चे प्रांतपाल दिलीप मोदी यांनी त्यांच्या भेटीची सुरवात नंदुरबार लायन्स परिवारास भेट देऊन केली. या प्रसंगी त्यांचे सोबत एम.जे.एफ.ला. जळगाव झोन चेअरमन गिरीश सिसोदिया,ला.जीनेंद्र जैन,लायन्स अध्यक्ष शेखर कोतवाल,लायन्स फेमिनाच्या अध्यक्षा हीना रघुवंशी उपस्थित होते.
या दौऱ्याचे आयोजन लायन्स क्लब व लायन्स क्लब फेमिना यांच्या संयुक्त विद्यमाने करण्यात आला होता.ला.मोदी यांनी सर्व प्रथम लायन्स परिवाचे स्थायी प्रकल्प लायन हॉल, लायन चौक, लायन पाणपोई, लायन चिल्ड्रन पार्क, अन्नपूर्णा प्रकल्प, माणुसकीची भिंत इ सेवा प्रकल्पास भेटी देवून समाधान व्यक्त केले.सिव्हिल हॉस्पिटल जवळ लायन्स क्लब तर्फे व सिंधी कॉलनी जवळ लायन्स फेमिना तर्फे स्वागत फलकाचे व स्थायी मधुमेह तपासणी शिबीराचे उद्घाटन प्रांतपाल यांच्या हस्ते करण्यात आले.या नंतर लायन्स प्रथेनुसार प्रांतपाल यांनी दोन्ही क्लबच्या बोर्ड ऑफ डायरेक्टर्स ची बैठक घेतली व नंतर सर्व सदस्यांसोबत बैठकचे आयोजन करण्यात आले. यात लायन्स क्लब सचिव राहुल पाटील,लायन्स फेमिना सचिव सीमा मोडक यांनी वर्षभरातील सेवा कार्य अहवाल वाचन केले.या कार्यक्रमात प्रांतपाल मोदी यांनी लायन्स क्लबचे अध्यक्ष शेखर कोतवाल व लायन्स फेमिना अध्यक्षा हिना रघुवंशी यांचा स्मृतीचिन्ह देऊन गौरव करण्यात आला. तसेच लायन्स क्लब इंटरनॅशनल कडून व डिस्ट्रिक्ट कडून काही सदस्यांचा स्मृतीचिन्ह व प्रमाणपत्र देऊन गौरव करण्यात आला.लायन्स परिवारातील विविध सेवा प्रकल्पांचे प्रकल्प चेअरमन व माजी अध्यक्षांचा मान्यवरांच्या हस्ते गौरव करण्यात आला.पीस पोस्टर विजेत्या विदयार्थ्यांना पालकांसह गौरवण्यात आले.प्रांतपाल मोदी यांनी लायन्स परिवार करत असलेल्या सेवा कार्याचे कौतुक केले.व आगामी सेवा कार्याची दिशा दिली.सुत्रसंचालन विष्णू जोंधळे तर आभार सीमा मोडक यांनी मानले. कार्यक्रमाचे संयोजन दोन्ही क्लब चे पदाधिकारी व सदस्यांनी केले.
