नंदुरबार | प्रतिनिधी
महाराष्ट्र प्रदेश कॉंग्रेस कमिटीतील युवक कॉंग्रेसच्या कार्यकारणीची मुदत संपल्यानंतर नवीन निवडणूक जाहीर झाली असून दि.२७ ऑक्टोबर पासून ते १ नोव्हेंबर पर्यंत अर्ज भरण्याची मुदत आहे.यात सर्वसामान्य युवकही सहभाग घेवु शकतात,ही प्रक्रिया ऑनलाईन आहे असे निवडणूक निरीक्षक अधिकारी मनीष टागोर यांची पत्रकार परिषदेत सांगीतले.
यावेळी सर्वप्रथम माजी पंतप्रधान स्व इंदिरा गांधी यांची पुण्यतिथीनिमित्त मान्यवरांच्या हस्ते प्रतिमापुजन करण्यात आले.भारतीय राष्ट्रीय कॉंग्रेस पक्षाचे युवा नेते राहुल गांधी यांच्या आदेशान्वये महाराष्ट्र प्रदेश कॉंग्रेस कमिटीतील युवक कॉंग्रेसच्या कार्यकारणीची मुदत संपल्यानंतर नवीन निवडणूक जाहीर झाली असून ही निवडणूक प्रक्रिया पार पाडण्यासाठी कॉंग्रेस पक्षाचे बिहारचे मनीष टागोर यांची निवडणूक निरीक्षक म्हणून नियुक्ती करण्यात आली असून युवक कॉंग्रेसच्या कार्यकारिणीच्या निवडणुकी बाबत त्यांनी पत्रकार परिषद घेऊन अधिक माहिती दिली. यावेळी त्यांनी सागीतले की, सर्वसामान्य तरुण कार्यकर्त्यांनाही युवक कार्यकारिणीत संधी मिळावी या उद्देशाने ही निवडणूक प्रक्रिया घेण्यात येत असून दि.२७ ऑक्टोबर पासून ते १ नोव्हेंबर पर्यंत अर्ज भरण्याची मुदत आहे. दि.२ नोव्हेंबरला अर्जांची छाननी करून ३ नोव्हेंबर पर्यंत उमेदवार निश्चित केले जाणार आहेत.तसेच पुढील १२ नोव्हेंबर पासून ते १२ डिसेंबर पर्यंत निवडणूक प्रक्रिया राबवून युवक कॉंग्रेस कार्यकारणी निवडणूक प्रक्रिया लोकशाही पद्धतीने राबविण्यात येणार असल्याची माहिती विभागीय निवडणूक निरीक्षक अधिकारी मनीष टागोर व नंदुरबार जिल्ह्याचे कॉंग्रेस कार्याध्यक्ष दिलीप नाईक यांनी दिली. यावेळी युवक कॉग्रेस नंदुरबार जिल्हाध्यक्ष जितेंद्र सुर्यवंशी आदी उपस्थीत होते.
