नंदुरबार l प्रतिनिधी
भारत निवडणूक आयोगाने 1 जानेवारी 2022 या अर्हता दिनांकावर आधारित मतदार यादीच्या विशेष संक्षिप्त पुनरीक्षण कार्यक्रम घोषित केला आहे. त्या अनुषंगाने दिव्यांग, तृतीयपंथी व शरीर विक्रय करणाऱ्या महिलांसाठी 13 व 14 नोव्हेंबर 2021 तसेच 23 व 24 नोव्हेंबर 2021 रोजी विशेष शिबिराचे आयोजन करण्यात येणार आहे.
या विशेष मोहिमेच्या दिवशी मतदार नोंदणी, वगळणी, दुरुस्ती, नाव तपासणी करण्यात येणार असून संबंधित संस्थांनी मतदार नोंदणी अधिकाऱ्याशी समन्वय साधून दिव्यांग, तृतीय पंथी व शरीर विक्रय व्यवसाय करणाऱ्या महिलांनी शिबिराचा लाभ घेत नाव नोंदणी करावी, असे आवाहन जिल्हा निवडणूक अधिकारी तथा जिल्हाधिकारी मनीषा खत्री यांनी केले आहे.
