नंदुरबार l प्रतिनिधी-
नंदुरबार येथील शासकीय कृषी महाविद्यालयात ‘शाश्वत उपजीविकेसाठी अळंबी लागवड तंत्रज्ञान’ या विषयावर एकदिवसीय प्रक्षीक्षण कार्यक्रम आयोजित करण्यात आला होता. कार्यक्रमाचे उद्घाटन सहयोगी अधिष्ठाता डॉ. यू बी होले, , शासकीय कृषी महाविद्यालय नंदुरबार यांनी केले.
या कार्यक्रमात डॉ. संदीप वाघ, डॉ. दिनेश सूर्यवंशी, प्रा. सपकाळ, प्रा. राजपूत, आणि डॉ. बिरारी यांनी प्रशिक्षण तज्ञ म्हणून मार्गदर्शन केले. महात्मा फुले कृषी विद्यापीठ, राहुरीचे कुलगुरू डॉ. विलास खर्चे यांच्या मंजुरीने आणि अधिष्ठाता कृषि डॉ. खरबडे यांच्या मार्गदर्शनाखाली हा कार्यक्रम पार पडला.
या प्रशिक्षण वर्गात ४५ प्रशिक्षणार्थींनी सहभाग घेतला. डॉ. होले यांनी अळंबीवरील कीड आणि त्याचे नियंत्रण याविषयी मार्गदर्शन केले. डॉ. वाघ यांनी शास्त्रोक्त अळंबी उत्पादनाबाबत माहिती दिली. डॉ. सूर्यवंशी यांनी अळंबी उत्पादनाचे बाजार मूल्य, आहारातील महत्व आणि रोजगाराच्या संधींबाबत सांगितले.
प्रा. सपकाळ यांनी अळंबीवरील रोग आणि उपाय योजनांवर प्रकाश टाकला, तर प्रा. राजपूत यांनी अळंबी काढणी आणि साठवणुकीबाबत मार्गदर्शन केले.
डॉ. बिरारी यांनी ऑनलाइन माध्यमातून अळंबी काढणीनंतरच्या निगाबाबत सांगितले. सूत्रसंचालन डॉ. सूर्यवंशी यांनी केले आणि आभार डॉ. वाघ यांनी मानले.
