सैनिकी विद्यालयात शिवजयंती साजरी

नंदुरबार l प्रतिनिधी-

पथराई ता. जि. नंदुरबार येथील के.डी. गावित सैनिकी विद्यालय व कनिष्ठ विज्ञान महाविद्यालय शिवजयंती साजरी करण्यात आली.
ध्वनिक्षेपकावरून शिवरायांचे पोवाडे व गीतांनी शिवजयंतीची उत्साही वातावरण निर्मिती करण्यात आली होती.

याप्रसंगी प्राचार्य हे कार्यक्रमाच्या अध्यक्षस्थानी प्राचार्य शरद पाटील होते. प्रमुख पाहुणे म्हणून प्रल्हाद संदानशिव तर प्रमुख वक्ते म्हणून प्रा.ज्ञानेश्वर गवळे हे उपस्थित होते.
प्रतिमापूजनानंतर श्रीमती रजनी करेले यांनी शिवरायांच्या बालवयातील प्रसंगावरून शिवरायांचा करारीपणा वर्णित केला.
प्रमुख वक्ते प्रा.ज्ञानेश्वर गवळे यांनी ‘शिवरायांचे बालपण ते हिंदवी स्वराज्याचे संस्थापक शिवाजी महाराज’हा जीवन प्रवास विविध प्रसंगांच्या आधारे आपल्या ओघववत्या शैलीत विद्यार्थ्यांसमोर मांडला.
कार्यक्रमाचे अध्यक्ष प्राचार्य श्री.पाटील यांनी आपल्या अध्यक्षीय भाषणातून शिवरायांच्या जीवन चरित्रावरून आपण काय शिकले पाहिजे ते विविध उदाहरणाद्वारे सांगितले.फक्त शिवरायांचा फोटो डोक्यावर घेऊन नाचण्यापेक्षा शिवाजी महाराजांचा इतिहास हा डोक्यात उतरवला पाहिजे असे सांगितले.

कार्यक्रमाचे आयोजन इकबाल शहा, श्रीमती नीलिमा वाघ व ज्ञानेश्वर गवळे यांनी केले.

कार्यक्रमाचे सूत्रसंचालन नीलिमा वाघ यांनी केले तर इकबाल शहा यांनी आभार मानले.