नंदुरबार l प्रतिनिधी
ग्रामस्थांना पिण्याचे पुरेसे व शुद्ध पाणी पुरव‍िणे ही प्रशासनाची जबाबदारी आहे. जलजन्य आजार व साथीपासून बचाव करणेसाठी ग्रामस्तरावर पिण्याचे पाण्याची वेळोवेळी रासायनिक व जैविक तपासणी करणे आवश्यक आहे. यासाठी क्षेत्रीय स्तरावरिल कर्मचारी व ग्रामपंचायत प्रशासन यांनी सजग रहावे असे आवाहन जिल्हा परिषदेचे मुख्य कार्यकारी अधिकारी सावन कुमार यांनी केले.
जिल्हा परिषद येथील याहा मोगी सभागृहात जिल्हा परिषदेचे मुख्य कार्यकारी अधिकारी सावन कुमार यांच्या अध्यक्षतेखाली जल जीवन मिशन अंतर्गत जिल्हास्तरीय पाणी गुणवत्ता विषयक प्रशिक्षण संपन्न झाले.या प्रशिक्षणात उपस्थ‍ितांना मार्गदर्शन करताना सावन कुमार बोलत होते. जिल्हयातील ग्रामस्थांना पिण्याचे शुद्ध पाणी मिळावे व पिण्याच्या पाण्याची गुणवत्ता कायम राहावी यासाठी राज्य शासनामार्फत राबविण्यात येत असलेल्या विविध उपाययोजनांची माहिती ग्रामस्तरापर्यंत पोहचावी यासाठी या प्रशिक्षणाचे आयोजन करण्यात आले होते .
प्रशिक्षणाचे उदघाटन जिल्हा परिषदेचे मुख्य कार्यकारी अधिकारी सावन कुमार यांच्या हस्ते करण्यात आले . यावेळी जिल्हा परिषदेचे अतिरिक्त मुख्य कार्यकारी अधिकारी प्रमोदकुमार पवार, प्रकल्प संचालक राहुल गावडे , उपमुख्य कार्यकारी अधिकारी पांडु रंग कोल्हे, उपमुख्य कार्यकारी अधिकारी उदयकुमार कुसुरकर , जल जीवन मिशनचे प्रकल्प संचालक व‍िवेक गुंड , जिल्हा आरोग्य अधिकारी डॉ.आर बी सोनवणे , अतिरिक्त जिल्हा आरोग्य अधिकारी डॉ.संदीप पुंड ,मुख्य् व‍ित्त् लेखा अधिकारी प्रव‍िण देवरे,ग्रामीण पाणीपुरवठा विभागाचे कार्यकारी अभियंता अजय पाटील आदी उपस्थित होते.यावेळी अतिरिक्त मुख्य कार्यकारी अधिकारी प्रमोदकुमार पवार यांनीही उपस्थ‍ितांना मार्गदर्शन केले.
प्रशिक्षणात जिल्हा पाणी गुणवत्ता निरिक्ष्क किशोर सोनवणे यांनी पिण्याच्या पाण्याचे स्वच्छता सर्वेक्षण , लाल कार्ड पिवळे कार्ड , हिरवे कार्ड ,जिल्हा पाणी गुणवत्ता तज्ञ नितिन पाटील यांनी पाणी गुणवत्ताविषयक शासन निर्णय, पाणी नमुने तपासणी , पाणी नमुने तपासणीचे माणके , रासायनिक व जैविक पाणी नमुने तपासणी मोहिम तर साधनव्यक्ती सुरेश महाले यांनी पाण्याचे महत्व् व दूषित पाण्यामुळे निर्माण होणारे विविध आजार याविषयी मार्गदर्शन केले .
प्रास्ताविक जल जीवन मिशनचे प्रकल्प संचालक व‍िवेक गुंड यांनी केले. प्रशिक्षणास पंचायत समितीचे सर्व गट विकास अधिकारी , सर्व तालुका वैद्यकिय अधिकारी, पाणी पुरवठा विभागाचे सर्व उपअभ‍ियंता व शाखा अभियंता , विस्तार अधिकारी (पंचायत व आरोग्य ),जिल्हा पाणी तपासणी प्रयोगशाळेचे कर्मचारी, जिल्हा पाणी व स्वच्छता मिशन कक्षातील कर्मचारी, सर्व गट व समूह समन्वयक उपस्थित होते . सूञसंचालन व आभार जिल्हा कार्यक्रम व्यवस्थापक सुनिल पाटील यांनी मानले.
