नंदुरबार l प्रतिनिधी-
नवापूर तालुक्यातील नांदवन येथे शेताशेजारी शेती घेतल्याच्या रागातून काठीने डोक्यावर मारुन दुखापत केल्याप्रकरणी गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नवापूर तालुक्यातील नांदवन येथील गेमा नुरा गावित रा.जामतलाव ता.नवापूर यांनी अर्जुन सुऱ्या गावित रा.नांदवन ता.नवापूर यांच्या शेताशेजारी शेती घेतली. याचा राग आल्याने अर्जुन गावित याने गेमा गावित यांना काठीने डोक्यावर मारुन दुखापत केली. याबाबत गेमा गावित यांच्या फिर्यादीवरुन नवापूर पोलिस ठाण्यात अर्जुन गावित याच्याविरोधात भादंवि कलम ३२४, ५०४ प्रमाणे गुन्हा दाखल करण्यात आला आहे. पुढील तपास पोहेकॉ.नरेंद्र नाईक करीत आहेत.
