नंदुरबार l प्रतिनिधी
15 ऑगस्ट स्वतंत्रता दिवस व नंदुरबार जिल्ह्याचे शिल्पकार महाराष्ट्र राज्याचे आदिवासी विकास मंत्री नामदार डॉ. विजयकुमार गावित यांच्या वाढदिवसाचे औचित्य साधत नंदुरबार तालुक्यातील खोंडामळी गावात दिपक पाटील मित्र परिवार व खोंडामळी ग्रामपंचायतीच्या वतीने रक्तदान शिबिर व वृक्षारोपणचा कार्यक्रम घेण्यात आला .
या कार्यक्रमाच्या अध्यक्षस्थानी जिल्हा परिषदेच्या अध्यक्षा डॉ सुप्रिया गावित, भाजपाचे तालुकाध्यक्ष जे.एन.पाटील,कानळदा गावाचे सरपंच दीपक पाटील, माजी जिल्हा परिषद सदस्य मुन्ना पाटील,खोंडामळी गावाचे,खोडांमळी ग्रामपंचायतचे सरपंच प्रदीप पाटील, माजी सरपंच सावंत पाटील ,दिनेश माळी, योगेश गिरासे, सोनू पाटिल, ललित पाटील, प्रशांत पाटील,राहुल पाटिल व पंचक्रोशीतील नागरिक मोठ्या संख्येने उपस्थित होते .या आयोजीत रक्तदान शिबिरात जवळपास 187 रक्तदात्यांनी रक्तदान केले तसेच खोंडामळी जिल्हा परिषद गटातील प्रत्येक ग्रामपंचायतीत 50 झाडे लावून वृक्षारोपण करण्यात आला. यावेळी रक्तदान करणाऱ्या सर्व रक्तदातांच्या जिल्हा परिषदेच्या अध्यक्षा डॉ सुप्रिया गावित यांच्या हस्ते सन्मान करण्यात आला. कार्यक्रम यशस्वीतेसाठी दीपक पाटील मित्र परिवार व पंचक्रोशीतील नागरिकांनी परिश्रम घेतले…
