भालेर येथील शिवदर्शन विद्यालयातील विद्यार्थ्यांचे जिल्हास्तरीय सायकलिंग स्पर्धेत यश

नंदुरबार l प्रतिनिधी

नंदुरबार तालुक्यातील भालेर येथील शिवदर्शन विद्यालय व कनिष्ठ विद्यालयातील विद्यार्थ्यांनी जिल्हास्तरीय सायकलिंग स्पर्धेत यश मिळवून त्यांची विभागिय स्पर्धेसाठी निवड झाली आहे.

शिवदर्शन विद्यालयातील १७ वर्षाआतील मुलींच्या गटात तनुश्री मिलिंद पिंपळे प्रथम क्रमांक
१४ वर्षाआतील मुलींच्या गटात उन्नती श्रीकृष्ण पाटील प्रथम क्रमांक तर १४ वर्षाआतील मुलांच्या गटात खगेन्द्र प्रताप पाटील प्रथम क्रमांक पटकावला. वरील तिन्ही विद्यार्थ्यांची नाशिक येथे होणाऱ्या विभागीय स्पर्धेसाठी निवड झाली आहे.

संस्थेचे चेअरमन चंद्रकांत रघुवंशी,व्हा.चेअरमन मनोज रघुवंशी,संस्थेचे सरचिटणीस यशवंत पाटील, कार्यालयीन पुष्पेन्द्र रघुवंशी, क्रिडा अधिकारी सुनंदा पाटील,मुकेश बारी,कल्पेश बोरसे,मुख्याध्यापक/प्राचार्य आर.एच.बागुल,पर्यवेक्षक व्ही.जे.पाटील सर्व शिक्षक,शिक्षिका,शिक्षकेतर वृंद यांनी अभिनंदन केले व विभागीय स्पर्धेसाठी शुभेच्छा दिल्या.तसेच क्रीडा शिक्षक ए.एस.शिंदे,एन.जी.पाटील यांनी विद्यार्थ्यांना मार्गदर्शन केले.