पतंजली विश्वविद्यालयात तत्त्वज्ञानात मुक्ता मोरेने पटकावले सुवर्ण पदक

नंदुरबार l प्रतिनिधी
नंदुरबार तालुक्यातील शनिमांडळ येथील मुक्ता अरुण मोरे हिने हरिद्वार येथील पतंजली विश्वविद्यालयात बी. ए . च्या तृतीय वर्षात तत्त्वज्ञान मध्ये सुवर्ण पदक पटकावले आहे.

शनिमांडळ ता.नंदुरबार येथील मुक्ता अरुण मोरे हरिद्वार येथील पतंजली विश्वविद्यालयात तत्त्वज्ञान या विषयात बी. ए . करीत होती.तृतीय वर्षात दर्शन शास्त्र विषयात ती प्रथम आली. त्यामुळे कुलपती रामदेव बाबा, आचार्य बालकृष्ण यांच्या उपस्थितीत उपस्थितीत सुवर्णपदक तसेच प्रमाणपत्र देऊन सत्कार करण्यात आला. तिच्या यशाबद्दल सर्वत्र अभिनंदन करण्यात येत आहे.शनिमांडळ येथील शेतकरी अरुण हिरामण मोरे यांची ती कन्या आहे