नंदुरबार l प्रतिनिधी
मुख्यमंत्री लाडकी बहीण योजनेअंतर्गत मिळणाऱ्या लाभामुळे महिलांचे जीवनमान अधिक सक्षम होण्यास मदत होणार आहे. महिला समाजाचा केंद्रबिंदू आहे तर कुटुंबाचं गाडं हाकण्यासाठीच चाक आहे. कुटुंबाच्या सक्षमीकरण्यासाठी महिलांच्या मोठा वाटा आहे.
कुटुंबाची प्रगती व उन्नती करायची असेल तर महिलांचं सक्षमीकरण होणं गरजेचं आहे आणि या योजनेच्या माध्यमातून महिलांचं सक्षमीकरण होईल.
महिलांबद्दल मुख्यमंत्री एकनाथ शिंदे यांना मोठी सहानुभूती आहे. यापूर्वी देखील त्यांनी महिलांसाठी अनेक योजनांच्या माध्यमातून न्याय दिला आहे.मुख्यमंत्री लाडकी बहीण योजनेमुळे महिलांची आर्थिक प्रगती होणार आहे.
शेतकऱ्यांना मोफत वीज उपलब्ध व्हावी यासाठी मागेल त्याला मोफत सौरऊर्जा पंप देण्याची घोषणा करण्यात आली आहे. या योजनेमुळे पिकांना पाणी देण्यासाठी रात्री बे रात्री शेतात जावं लागणार नाही. शेतकरी सुखी तर जग सुखी असे सांगत शिवसेना संपर्कप्रमुख, माजी आमदार चंद्रकांत रघुवंशी यांची अर्थसंकल्पावर प्रतिक्रिया दिली.
