नंदुरबार l प्रतिनिधी
देश 21 व्या शतकात वाटचाल करीत आहे.एकीकडे लोकसभेची धुमाळी सुरू आहे.त्यात विविध विकासाचे स्वप्न दाखवण्यात येत आहेत तर दुसरीकडे लोकसभेतील देशातील पहिल्या मतदारसंघातील सातपुड्यात जादूटोणा करून मुलाचा मृत्यू दोषी समजून एका 55 वर्षे महिलेला तब्बल दीड महिने गावाबाहेर काढण्यात आले होते अखेर महिलांना डाकीण ठरविणाऱ्या गौऱ्या ता.धडगाव मांत्रिक रुल्या हुण्या पराडके याला पोलीसांनी अटक केली असून त्याच्यावर जादूटोणा विरोधी कायद्या अंतर्गत गुन्हा दाखल करण्यात आला आहे.
याबाबत अधिक माहिती अशी की,पानबारी (ता.धडगाव) येथील महिलेने डाकीण ठरवून मारहाण केल्याबाबत पीडित महिलेने धडगाव पोलिस ठाण्यात फिर्याद दिली होती.या फिर्यादीत गौऱ्या ता.धडगाव येथील मांत्रिक रुल्या हुण्या पराडके याने ती महिला खरोखर डाकीण आहे, तीनेच जादुटोणा करून मुलाला खाल्ले आहे, हे सिद्ध झाले असल्याचे मारहाण करणाऱ्या आरोपींना सांगितले होतें. त्याच्या सांगवण्यावरून आरोपींनी पीडितेला डाकीण ठखून मारहाण केली होती.त्यांनतर पीडिता दीड महिन्यापासून घर सोडून राहत होती.या प्रकरणी या मांत्रिकविरुद्ध गुन्हा दाखल करण्यात करण्यात आलेला नव्हता.
या प्रकरणी महाराष्ट्र अंधश्रद्धा निर्मूलन समितीच्या कार्यकर्त्यानी डाकीण प्रथा विरोधी प्रबोधन संवाद यात्रेअंतर्गत पीडित महिलेची भेट घेवून तिची आपबिती जाणून घेतली. त्यानंतर पानबारी येथे जावून पीडितेच्या कुटुंबीयांची व आरोपी कुटुंबाची भेट घेवून त्यांचे समुपदेशन केले.
दरम्यान, गौऱ्या येथे जावून अनिस कार्यकर्त्यानी मांत्रिकाचे स्टिंग ऑपरेशन केले. त्यानंतर धडगाव पोलीस ठाणे गाठले.पीडित महिलेने फिर्यादीत मांत्रिकाचे नाव दिले असताना त्याच्यावर गुन्हा का दाखल केला नाही याबाबत विचारणा केली व गुन्हा दाखल करावा या आशयाची लेखी तक्रार देखील दिली व सर्व प्रकारची व्हिडीओ रेकॉर्डीग व फोटो पोलीस निरीक्षकांपुढे सादर केले.
यावेळी महाराष्ट्र अंधश्रद्धा निर्मूलन समितीचे राज्य सचिव ठकसेन गोराणे, सरचिटणीस विनायक सावळे,जिल्हा कार्याध्यक्ष रवींद्र पाटील,प्रधान सचिव वसंत वळवी,किर्तीवर्धन तायडे,हंसराज महाले,प्रदीप केदारे आदी उपस्थित होते. तक्रारीची दखल घेत पोलीस निरीक्षक यांनी संध्याकाळी सहा वाजेनंतर गौऱ्या येथे जाऊन मांत्रिक रुल्या हुण्या पराडके याला अटक केली.
