नंदुरबार l प्रतिनिधी
येथील इस्माईल दगू जनसेवा फाऊंडेशन व सदा जनसेवा फाऊंडेशन, नंदुरबार यांच्या संयुक्त विद्यमाने दि.१९ मे रविवार रोजी मुस्लिम समाजाचा सामुहिक विवाह सोहळा आयोजित केला आहे. यावेळी विविध सामाजिक, शैक्षणिक क्षेत्रात सेवाभावी कार्य करणार्‍या व्यक्ती, संस्थेचा गौरव देखील करण्यात येणार आहे.
सालाबादाप्रमाणे यंदाही येथील येथील इस्माईल दगू जनसेवा फाऊंडेशन व सदा जनसेवा फाऊंडेशन, नंदुरबार यांच्या संयुक्त विद्यमाने दि.१९ मे २०२४ रविवार रोजी येथील जे.के.पार्क, सीएनजी पंपा जवळ, नंदुरबार येथे मुस्लिम समाजाचा सामुहिक विवाह सोहळा आयोजित केला आहे. मागील दहा वर्षापासून इस्माईल दगू जनसेवा फाऊंडेशन व सदा जनसेवा फाऊंडेशनतर्फे मुस्लिम समाजाचा सामुहिक विवाह सोहळा आयोजित केला जात आहे. आतापर्यंत सुमारे १०० च्या वर जोडप्यांचा विवाह लावण्यात आला आहे.
मुस्लिम समाजातील गोरगरीब व अनाथ मुलांना प्राधान्य देण्यात येते. सामहिक विवाह सोहळ्यात संसारोपयोगी साहित्य देखील देण्यात येते. तसेच संस्थेतर्फे निकाह नामा आणि विवाह प्रमाणपत्र देखील देण्यात येते. तरी यावेळी जास्तीत जास्त गरजू लोकांनी सामुहिक विवाह सोहळ्यासाठी नोंदणी करावी, असे आवाहन संस्थेतर्फे एजाज बागवान, हाजी असलम चौधरी, नासिर इब्राहीम बागवान, शाकीर जाबीर बागवान, सैय्यद मुख्तार, छन्नूशाह पठाण आदींनी केले आहे.
