नंदुरबार l प्रतिनिधी
नंदुरबार लोकसभा मतदारसंघातील उमेदवारी अर्ज भरण्याच्या आज शेवटच्या दिवस होता त्यामुळे आज उमेदवारी अर्ज भरण्यासाठी मोठ्या प्रमाणात उमेदवारांची गर्दी दिसून आली नंदुरबार लोकसभा मतदारसंघासाठी वंचित बहुजन आघाडी कडून हेमंत मन्साराम कोळी यांनी आपला उमेदवारी अर्ज दाखल केला .
अर्ज दाखल करायच्या वेळेस वंचित बहुजन आघाडीचे जिल्हाध्यक्ष सुनील सूर्यवंशी, उत्तर महाराष्ट्र अध्यक्ष आबासाहेब खैरनार, जिल्हा उपाध्यक्ष सिताराम वाघ, साक्री तालुका अध्यक्ष नामदेव पिंपळे, शहादा तालुकाध्यक्ष लक्ष्मण निकुंभे, नवापूर तालुकाध्यक्ष किरण सामुद्रे, जिल्हा उपाध्यक्ष रवींद्र मोरे, नितीन कोळी, हिम्मत निकम ,किरण कोळी, तात्या बैसाणे, संतोष बैसाणे, सुनील गोसावी, उपस्थित होते .
नंदुरबार जिल्हा आदिवासी बहुल जिल्हा असून वंचित पक्ष हा सर्वांना न्याय देणारा पक्ष आहे. सर्व घटकातील जनता आमच्या पाठीशी असून सर्व कार्यकर्ते जोमाने कामाला लागले आहेत .आदिवासी समाजाचा विकास, स्थलांतर ,आरोग्य अशा विविध मुद्द्यांवर आम्ही ही निवडणूक लढवत असून एक सक्षम व तिसरा पर्याय म्हणून आम्ही या निवडणुकीत रिंगणात उभे राहिलो आहोत असे उमेदवार हेमंत कोळी यांनी सांगितले.
नंदुरबार लोकसभेसाठी वंचित बहुजन आघाडीतर्फे आज नामांकन दाखल करण्यात आले त्यामुळे काँग्रेसची डोकेदुखी वाढली असून मागील लोकसभेत वंचित बहुजन आघाडीचा उमेदवाराला तिसऱ्या क्रमांकाची मते मिळाली होती.
