नंदुरबार l प्रतिनिधी
लोकसभा निवडणुकीत भारत आदिवासी पार्टीकडून मला निवडणूक लढण्याची संधी दिली असून ओबीसी राजकीय आघाडीने पाठिंबा दिला असून एमआयएम पक्षाशी चर्चा झाली असून लवकरच तेही पाठिंबा देणार असल्याचे सांगत जिल्ह्यातील प्रस्थापित नेत्यांच्या विरुद्ध व गरिबांच्या हक्कासाठी मी उमेदवारी करत असल्याचे भारत आदिवासी पार्टीचे उमेदवार रविंद्र रणजित वळवी यांनी सांगितले.
नंदुरबार येथे लोकसभेसाठी भारत आदिवासी पार्टी व ओबीसी राजकीय आघाडीतर्फे आयोजित पत्रकार परिषदेत लोकसभा निवडणुकीतील भारत आदिवासी पार्टीतर्फे असलेले उमेदवार रविंद्र रणजित वळवी बोलत होते.यावेळी पुढे बोलताना रविंद्र वळवी पुढे म्हणाले की, नंदूरबार लोकसभा निवडणुकीत भारत आदिवासी पार्टीकडून मला निवडणूक लढण्याची संधी दिली असून ओबीसी राजकीय आघाडीनेही पाठिंबा दिला असून एमआयएम पक्षाच्या वरिष्ठांशी चर्चा झाली असून त्यांनी सकारात्मक प्रतिसाद दिला आहे.
लवकरच तेही पाठिंबा देणार असल्याचे सांगत संविधान वाचविण्यासाठी व सर्वधर्मसमभाव तसेच प्रकृती वाचावी यासाठी मी भारत आदिवासी पार्टी तर्फे उमेदवारी करीत आहे.वंचित लोकांना योग्य न्याय मिळवून देण्यासाठी मी प्रयत्न करणार आहे.
नंदुरबार जिल्ह्यात उमेदवारी मिळालेल्या दोन्ही मातब्बर कुटुंबाविरुद्ध मी उमेदवारी करीत आहे स्वातंत्र्यानंतर ही जिल्ह्यात विकास झाला नसून जिल्ह्याचा विकासासाठी माझी ही उमेदवारी आहे.
तसेच खोटे कुणबी प्रमाणपत्र रद्द करून ओबीसी आरक्षण वाचवण्यासाठी आदिवासींचे जल, जंगल आणि जमीनचे अधिकार मजबूत करण्यासाठी आणि इतर आदिवासींचे प्रश्न सोडवण्यासाठी भारत आदिवासी पार्टी ही लोकसभा निवडणूक लढणार असल्याची सांगत रविंद्र वळवी पुढे म्हणाले की, मला प्रशासकीय अनुभव असल्याने याचा फायदा नक्कीच होणार आहे 24 एप्रिल रोजी मी उमेदवारी अर्ज दाखल करणार असल्याचे सांगत श्री वळवी यांनी भाजपा व काँग्रेसवर टीका केली.
नंदुरबार लोकसभा मतदारसंघ निवडणुकीत जिल्ह्यातील विविध संघटना व युवकांनी स्वतंत्र उमेदवार देण्याची घोषणा केली होती. त्यानुसार उमेदवार जाहीर करण्यात आला असून प्रशासकीय कामकाजाचा अनुभव असलेले रविंद्र वळवी हे भारत आदिवासी पार्टीकडून निवडणूक लढविणार आहे.त्यातच त्यांचे जिल्हाभर संपर्क आहे.यावेळी पत्रकार परिषदेला ओबीसी राजकीय आघाडीचे अध्यक्ष प्रा. श्रावण देवरे व भारत आदिवासी पार्टीचे अध्यक्ष ॲड.रूपसिंग वसावे यांच्यासह विविध पदाधिकारी उपस्थित होते