नंदुरबार l प्रतिनिधी
घरोघरी विकासगंगा यावी यासाठी पुन्हा एकदा विजयाची गुढी दारोदार उभारूया; असे आवाहन करीत नंदुरबार लोकसभा मतदारसंघातील भारतीय जनता पार्टीचे उमेदवार महा संसद रत्न खासदार डॉक्टर हिना गावित यांनी नंदुरबार लोकसभा मतदारसंघातील समस्त मतदारांना गुढीपाडव्याच्या आणि मराठी नूतन वर्षाच्या मनःपूर्वक शुभेच्छा दिल्या. मतदारसंघातील प्रत्येकाच्या जीवनात सुख समृद्धी येवो, अशी मनोकामना त्यांनी व्यक्त केली.
काल चैत्र प्रतिपदेच्या दिनी मराठी नववर्षाचा शुभारंभ होत असल्याच्या पार्श्वभूमीवर खासदार डॉक्टर हिनाताई गावित यांनी आपल्या निवासस्थानी परंपरेनुसार पूजन करून गुढी उभारली आणि सर्व कार्यकर्ते पदाधिकारी व मतदार यांना वरील प्रमाणे शुभेच्छा दिल्या.