.म्हसावद l प्रतिनिधी
धडगाव तालुक्यातील लेघापाणी ते गोरंबा रस्त्यावर महिंद्रा मॅक्स कमांडर गाडी खोल दरीत पडल्याने चार जण ठार तर दोन जण जखमी झाल्याची घटना कल सायंकाळी च्या सुमारास घडली याबाबत म्हसावद पोलिसात अपघाताची नोंद करण्यात आली आहे.
याबाबत पोलिस सूत्राकडून माहिती अशी की,धडगाव तालुक्यातील केलापाणी येथून सकाळी चालक धरून सहा जण धडगाव येथे बाजारहाट करण्यासाठी गेले होते ते लेघापाणी गावी गोरंबा मार्गे परत येत असताना चालकाचा वाहनांवरील ताबा सुटल्याने अचानक गाडी 800 फूट खोल दरीत पडल्याने त्यातील चार जण मयत तर दोन जण जखमी झाले यात मयत दारासिंग कुवरसिंग चौधरी वय 40 रा.केलापाणी ता धडगाव,
साबलीबाई दारासिंग चौधरी वय 40 रा. केलापाणी , कांतीलाल जेठ्या वळवी वय 44 रा वाडीबार ता अक्कलकुवा,दिलसिंग पुण्या पाडवी रा. केलापानी ता धडगाव यांचा समावेश आहे तर जखमीत गोविंद उपसिंग वळवी 18 रा वाडीबार ता अक्कलकुवा व सुनील दारासिंग चौधरी रा केलापाणी ता धडगाव हे जखमी आहेत तर जखमी ची अवस्था गंभीर असल्याने त्यांना नंदुरबार येथे पुढील उपचार साठी दाखल करण्यात आले आहे.घटनास्थळी म्हसावद पोलिस ठाण्याचे पोलिस निरीक्षक राजन मोरे,उमेश पावरा,कलिंम रावताळे,
तसेच हे घटनास्थळी दाखल होऊन मयताना
खोल दरीतून वर आणून त्यांना 108 ने म्हसावद ग्रामीण रुग्णालयात आणले वरील दोन जण साबलीबाई दारासिंग चौधरी व कांतीलाल वळवी याना ग्रामीण रुग्णालया दाखल करताच डॉक्टरांनी त्यांना मयत घोषित केले तर अन्य दोन जण जागीच मयत झाले रात्री उशिरा पर्यंत पोलिसात नोंद करण्याचे सुरू होते मयतावर डॉ अल्लाउद्दीन शेख यांनी शवविच्छेदन केले.म्हसावद येथे ग्रामीण रुग्णालयात अप्पर पोलिस अधीक्षक निलेश तांबे व धडगाव चे पोलीस निरीक्षक पठाण यांनी भेट दिली.
