नंदुरबार l प्रतिनिधी
नंदुरबार तालुका पतंजली योग समिती तर्फे नंदुरबार शहरात सहयोग शिक्षक प्रशिक्षण शिबिराचे आयोजन करण्यात आले आहे.आज गुरुवार दि. 18 जानेवारी ते 11 फेब्रुवारी पर्यंत सलग 25 दिवसांचे शिबिर दररोज सकाळी साडेपाच ते सात या वेळेत गिरी विहार वाडी, गिरीविहार गेट जवळ होईल.
या शिबिरात अनुभवी व तज्ञ योग शिक्षक मार्गदर्शन करणार आहेत.
या शिबिरात सूर्यनमस्कार, दंड बैठका, सूक्ष्म व्यायाम, विविध व्याधींवर मात करण्यासाठी उपयुक्त अशी योगासने आणि प्राणायाम यांचे शास्त्रशुद्ध पद्धतीने प्रशिक्षण दिले जाईल तसेच शिबिरात अष्टांग योग, षटकर्म, पंचप्राण, पंचकोश ध्यान, योगनिद्रा, हस्तमुद्रा आणि आयुर्वेद याबाबत सखल माहिती दिली जाईल योग शिबिर यशस्वीपणे पूर्ण करून सहयोग शिक्षक होऊ इच्छिणाऱ्या साधकांना जिल्हा पतंजली योग समितीतर्फे प्रमाणपत्र देण्यात येईल.
तसेच भविष्यात पतंजली योगपीठ हरिद्वारला होणाऱ्या योग शिबिरात सहभागी होण्याची संधी प्राप्त होईल. या सुवर्ण संधीचा लाभ घ्यावा स्वतःचे आरोग्य सुदृढ ठेवून योग शिक्षकाच्या भूमिकेतून इतरांना योग शिकविण्याचे पवित्र कार्य करण्यासाठी सहयोग शिक्षक प्रशिक्षण शिबिरात सहभागी व्हावे असेे आवाहन नंदुरबार तालुका पतंजली योग समितीतर्फे करण्यात आले आहे.
