नंदुरबार l प्रतिनिधी
मराठा पाटील समाज मंडळ, नंदुरबार अंतर्गत वधु-वर सुचक मंडळाच्या विद्यमाने भव्य वधू-वर सुचक मेळाव्याचे आयोजन दि.२१ जानेवारी २०२४ रविवार रोजी सकाळी १०.३० वाजता शाहीर हरिभाऊ मराठा पाटील मंगल कार्यालय, तैय्यबी नगर, ज्ञानदिप सोसायटी जवळ, धुळे रोड, नंदुरबार येथे करण्यात आले आहे.
सदर मेळावा मराठा पाटील समाज मंडळाचे अध्यक्ष, प्राचार्य बी.एस.पाटील यांचे अध्यक्षतेखाली होणार असून मेळाव्यात मंडळाच्यावतीने वधु-वर सुचक पुस्तिकेचे प्रकाशन मान्यवरांच्या हस्ते होणार आहे. तरी विवाह योग्य मराठा पाटील समाजातील मुला-मुलींच्या पालकांनी या वधु-वर परिचय मेळाव्यास उपस्थित रहावे. सदर मेळाव्यात वधु-वर सुचक पुस्तिका स्वागत मुल्ये घेवून पालकांना उपलब्ध करुन देण्यात येईल. याप्रसंगी वधु-वर यांचा प्रत्यक्ष परिचय हा उपक्रम मंडळाने आयोजित केला असून पालकांनी मेळाव्यास येतांना आपल्या विवाहयोग्य मुला-मुलींचे फोटो व परिचय पत्र सोबत आणावे.
मेळाव्यात मुला-मुलींच्या पालकांनी सदर मेळाव्यास बहुसंख्येने उपस्थित होते, राहून लाभ घ्यावा, असे आवाहन मराठा पाटील समाज मंडळाचे सचिव यशवंत नाना पाटील, वधु-वर सुचक मंडळाचे रोहिदास जाधव, निंबाजीराव बागूल, मधुकर पाटील यांनी केले आहे.
