नंदुरबार l प्रतिनिधी
दत्त जन्मोत्सवानिमित्त विरल विहार मधील दत्त मंदिरात विविध धार्मिक कार्यक्रमाचे आयोजन करण्यात आले होते. शिवसेनेचे नेते, माजी आमदार चंद्रकांत रघुवंशी यांच्या हस्ते दुपारी महाआरती करण्यात आली.
दत्त जयंती निमित्त शहरात दत्त मंदिरांमध्ये सकाळपासूनच धार्मिक कार्यक्रमांना सुरुवात झाली. शहादा-तळोदा रस्त्यावरील विरल विहार मधील दत्त मंदिरात देखील दरवर्षीप्रमाणे यंदाही धार्मिक कार्यक्रम उत्साहात संपन्न झाले. सकाळपासूनच मंदिरात भाविकांची दर्शनासाठी गर्दी झाली होती. दुपारी शिवसेनेचे नेते, माजी आमदार चंद्रकांत रघुवंशी यांच्या हस्ते दुपारी महाआरती करण्यात आली.
यावेळी माजी नगरसेवक रवींद्र पवार, सामाजिक कार्यकर्ते नितेश अग्रवाल, काशिनाथ पटेल,काशिनाथ शेवाळे, प्रा.सखाराम पाटील,कैलास पाटील,संजय पटेल,प्रा.किशोर सोनार, प्रकाश पटेल, डी.पी पाटील,निलेश तवर, दीपक चौधरी, निलेश शर्मा लांबोळे उपस्थित होते.
