तळोदा l प्रतिनिधी
तळोदा शहरातील रात्री बारा वाजेची वेळ कडाक्याची थंडी पडलेली अंगाला थंडगार झोकणार सर्वत्र गार वार नुकतीच चार दिवसांपूर्वी अवकाळी पावसाने हजेरी लावल्याने सर्वत्र वातावरणात गारवा पसरलेला अशावेळी रात्री बारा वाजेच्या सुमारास सारा शहर घरात दार खिडक्या बंद करून थंडीपासून बचाव करण्यासाठी उबदार पांघरून झोपलेले,
अशा वेळी शहरातील सेवाभावी सामाजिक कार्याने झपाटलेल्या सहयोग सोशल ग्रुपच्या सेवाभावी पदाधिकारी सदस्य तरुणांनी शहरातील बस स्थानकावर रस्त्याच्या कडेला कुठेतरी ओट्यावर लॉरीवर ग्राउंड वर थंडीत कुडकुडत झोपलेल्या नागरिकांना त्यांच्या अंगावर पांघरूनही नव्हते अशांच्या अंगावर गरम ब्लॅंकेटचे पांघरून त्यांच्या अंगावर टाकले रात्री झोपलेल्या थंडीत कुडकुडणाऱ्या लोकांच्या अंगावर कोणीतरी अचानक येऊन त्यांच्या अंगावर गरम उबदार ब्लॅंकेट टाकल्याने कडाक्याच्या थंडीत त्यांना सुखाची झोप लागली.
अशा रात्री बाराच्या सुमारास या कोण पुण्यात्मा व्यक्तीने हे ब्लॅंकेट दिले या विचाराने त्यांना आश्चर्याच्या सुखद धक्का बसला, सहयोग सोशल ग्रुपचे हे सेवाभावी कार्य बघून अनेक लोक भारावले समाजाप्रती आपुलकी रस्त्यावर उघड्यावर कुणाच्यातरी ओट्यावर बसस्थानकावर कुठे आडोशाला कुठेतरी सार्वजनिक जागी जागा मिळेल तिथे अंग टाकून धरती मातेच्या गादीवर आकाश ओढून झोपलेल्या निराधार नागरिकांच्या कोणी समाजात वाली आहे त्यांच्यासाठी कोणाच्या तरी मनात दयेच्या पांजर फुटतो हे बघून बिना अंथरून पांघरून रस्त्याच्या कडेला कुठेतरी झोपून रात्र काढणाऱ्याना अतिशय समाधान वाटले.
कडाकाच्या थंडीत अचानक येऊन आपल्या अंगावर हे गरम पांघरून टाकणाऱ्या या दानशूर ध्येय वेड्या सेवाभावी युवकांचे कोणत्या शब्दात कसे आभार मानावे हेच त्यांना कळेना.
भावना व्यक्त करण्यासाठी जेव्हा शब्द पुरे पडतात तेव्हा डोळ्यातील भाव व वाहणारे अश्रू साऱ्या भावना व्यक्त करतात त्याप्रमाणे माणुसकीच्या हा गहिवर बघून अनेकांचे डोळे पाणावले.
सहयोग सोशल ग्रुपच्या अध्यक्ष ॲड.अल्पेश जैन, चेतन शर्मा, प्रेम पाडवी, कुशल जैन, अक्षय धाणका ,नितीन पाटील, नामदेव पाडवी, प्रमोद जांगिड, मोहीन पिंजारी व इतर कार्यकर्त्यांनी हे सेवाभावी कार्य केले.
