शहादा l प्रतिनिधी
कवयित्री बहिणाबाई चौधरी उत्तर महाराष्ट्र विद्यापीठ, जळगाव आणि पूज्य साने गुरुजी विद्या प्रसारक मंडळाचे औषधनिर्माणशास्त्र महाविद्यालय शहादा यांच्या संयुक्त विद्यमाने नुकतेच जिल्हास्तरीय अविष्कार स्पर्धेचे आयोजन करण्यात आले होते. या संशोधन स्पर्धेत शहादा येथील पूज्य साने गुरुजी विद्या प्रसारक मंडळाच्या कला, विज्ञान व वाणिज्य महाविद्यालयाच्या विद्यार्थ्यांनी चमकदार कामगिरी करून महाविद्यालयाचा नावलौकिक वाढवला.
कवयित्री बहिणाबाई चौधरी उत्तर महाराष्ट्र विद्यापीठ जळगाव कार्यक्षेत्रातील नंदुरबार जिल्ह्यातील महाविद्यालय स्तरावरील अविष्कार 2023 या स्पर्धेत महाविद्यालयांतर्फे 51 संशोधन विषयावर 81 स्पर्धकांनी संशोधन विषयावर पोस्टर सादर केले. त्यातील 13 संशोधन विषय आणि 19 स्पर्धकांची विद्यापीठ स्तरीय अविष्कार स्पर्धेसाठी निवड करण्यात आली.
पदवी श्रेणीतून निवडलेले विद्यार्थी: दिव्या बागल आणि गायत्री जाधव योगिता भक्त्यापुरी, साक्षी शिंदे आणि हेमलता पाटील, ललिता पाटील आणि मंजिरी निझरे, प्राजक्ता चिनावलकर पदयुत्तर श्रेणीतून निवड झालेले विद्यार्थी: सेजल बागुल आणि चेतना चौधरी, सुरज पटले आणि गोविंद पावरा, हर्षल सूर्यवंशी आणि मयुरी चौधरी,वैभव पटेल.
संशोधन विद्यार्थी श्रेणीतून निवड झालेले विद्यार्थी : योगेश विसपुते, पल्लवी पावरा, अन्सीलाल सुळे, सुवर्णा पाटील.
सर्व यशस्वी विद्यार्थी व शिक्षकांचे पूज्य साने गुरुजी विद्या प्रसारक मंडळाचे अध्यक्ष दीपकभाई पाटील, उपाध्यक्ष जगदीश पाटील, सचिव श्रीमती कमलताई पाटील, समन्वयक प्रा.मकरंद पाटील,
कृषी उत्पन्न बाजार समितीचे संचालक मयूरभाई दीपक पाटील, महाविद्यालयाचे प्राचार्य प्रा. डॉ. राजेंद्र पाटील, उपप्राचार्य प्रा. डॉ. मिलिंद पटेल आणि प्रा. डॉ. सुशीलकुमार सिंदखेडकर यांनी सर्व सहभागी आणि निवडलेल्या विद्यार्थी आणि त्यांच्या मार्गदर्शकांचे कौतुक केले. विद्यार्थी स्पर्धकांना अविष्कार समिती प्रमुख प्रा. डॉ. संतोष तायडे, समन्वयक प्रा. महेश जगताप, समिती सदस्य प्रा. डॉ. रियाज सैय्यद, डॉ. उत्तम निळे, डॉ. राजेश्वर चौधरी, डॉ. अनिल बेलदार पाटील आणि महाविद्यालयातील सर्व प्राध्यापकांचे मार्गदर्शन लाभले.
