नंदुरबार l प्रतिनिधी
महाराष्ट्र राज्यात सुरु असलेल्या गढूळ राजकारणाच्या निषेधार्थ नंदुरबार जिल्हा महाराष्ट्र नवनिर्माण सेनेने नंदुरबार येथील स्मशानभूमीत सामुहिक श्राध्द घालुन निषेध करीत अनोखे आंदोलन केले आहे. या आंदोलनात मनसेचे नंदुरबार जिल्हाध्यक्ष विजय विश्वनाथ चौधरी यांनी मुंडन करुन सामुहिक श्राध्दची पुजाविधी केली.
महाराष्ट्र राज्यात गेल्या तीन वर्षांपासून राजकारणाची स्थिती बदलली आहे. या गढळू व गलिच्छ राजकारणामुळे सर्वसामान्य जनता कंटाळली आहे. म्हणुन महाराष्ट्र नवनिर्माण सेनेचे अध्यक्ष राजसाहेब ठाकरे यांच्या आदेशान्वये मनसेचे नेते तथा माजी आ.जयप्रकाश बाविस्कर यांच्या मार्गदर्शनाखाली नंदुरबार जिल्हा महाराष्ट्र नवनिर्माण सेनेने अनोखे आंदोलन केले आहे. काल दि.13 ऑक्टोंबर 2023 रोजी नंदुरबार शहरातील स्मशान भूमीत (अमरधाम) जावून नंदुरबार जिल्हा महाराष्ट्र नवनिर्माण सेनेच्या पदाधिकारी व कार्यकर्त्यांनी सुरु असलेल्या पितृपक्षानिमित्त सामुहिक श्राध्दांचा कार्यक्रम घेवून अनोखे आंदोलन केले आहे.
यावेळी नंदुरबार येथील स्मशानभूमीत मनसेचे नंदुरबार जिल्हाध्यक्ष विजय विश्वनाथ चौधरी यांनी मुंडन करीत महाराष्ट्रातील राजकारणाच्या निषेधार्थ सामुहिक श्राध्द घालून निषेध आंदोलन केले आहे. याप्रसंगी महाराष्ट्र नवनिर्माण सेनेचे नंदुरबार जिल्हाध्यक्ष विजय विश्वनाथ चौधरी, जिल्हा सचिव पवनकुमार गवळे, नंदुरबार तालुकाध्यक्ष राकेश माळी, नंदुरबार विधानसभा क्षेत्र अध्यक्ष सुनिल कोकणी, अशोक माळी, दिनेश मराठे, दीपक चौधरी, सिध्दार्थ शहा, नकुल चौधरी, वल्ला चौधरी, गुरु चौधरी, अशोक पाडवी, राहूल अहिरे, विनोद वळवी आदी उपस्थित होते.
